Japoniia astanasy Tokiodaǵy Narita áýejaiynda koronavirýstyń jańa omikron shtamyn juqtyrý jaǵdaiy tirkeldi. Bul týraly seisenbi kúni Kyodo agenttigi málim etti, dep habarlaidy QazAqparat.
Jańa shtamm anyqtalǵan er adam 30-40 jas aralyǵynda, Namibiiadan ushyp kelgen. Shekaradan ótý kezinde odan virýs anyqtalyp, oqshaýlanǵan. Odan keiin dárigerler omikron shtamyn anyqtaý úshin qosymsha taldaý jasaǵan. Nátijesi oń bolyp shyqty.
Álemde omikron shtamynyń taralýyna bailanysty Japoniia 30 qarashadan bastap úsh apta buryn sheteldik biznesmenderge, stýdentter men tehnikalyq taǵylymgerlerge elge kirýge engizilgen jeńildetýlerdi alyp tastady. Sonymen qatar barlyq elder azamattaryna jańa viza berýdi toqtatty. Atalǵan sharalar mamandar jańa shtamnyń qaýpi týraly qorytyndyǵa kelmeiinshe, bir ai kóleminde qoldanylady. Kerek bolǵan jaǵdaida shekteýler sozylatyn bolady.
Sonymen qatar Japoniia 30 qarashadan bastap 23 el men óńirden kelýshilerge karantindik sharalardy kúsheitti. Odan bólek, Angola, OAR, Zimbabve, Namibiia elderin qosqanda, Afrikanyń 10 elinen kelgen azamattardy on kúndik karantinge jiberetin bolady.
