Foto: QR SIM
Qazaqstan Respýblikasynyń saýda jáne integratsiia ministri Arman Shaqqaliev bastaǵan qazaqstandyq delegatsiia EXPO 2025 Osaka dúniejúzilik kórmesinde Qazaqstannyń Ulttyq kúni aiasyndaǵy is-sharalarǵa qatysý úshin Japoniiaǵa resmi saparmen keldi, dep habarlaidy Ult.kz.
EXPO National Day Hall (EXPO Ulttyq kúnizaly) alańynda ministr A. Shaqqaliev pen Osaka EXPO 2025 qaýymdastyǵy ókilderiniń qatysýymen Qazaqstan Respýblikasynyń týyn kóterý rásimi ótkizildi.
Ministr óz sózinde Japoniia úkimetine jáne kórmeni uiymdastyrý komitetine osy bedeldi halyqaralyq sharany joǵary deńgeide daiyndap, ótkizgeni úshin shyn júrekten alǵysyn bildirip, búgingi kúnniń elimiz úshin mańyzdylyǵyn atapótti.
«Búgingi shara qazaqtyń uly oishyly Abai Qunanbaiulynyń 180 jyldyǵyna orailastyrylǵan. Bul óńirlerdiń geografiialyq qashyqtyǵyna qaramastan, rýhymyzdyń jaqynekendigin bildiredi, sebebi bizdi dástúrler men aǵa býynǵa degen qurmet, bilim men eńbekke degenjoǵary mán biriktiredi», - dedi A. Shaqqaliev is-sharanyń resmi ashylý saltanatynda.
Sondai-aq ministr 1991 jyly diplomatiialyq qatynastar ornaǵannan beri eki el arasyndaǵy saýda, investitsiia, ǵylym, bilim, ekologiia jáne tehnologiia salalarynda turaqty yntymaqtastyq damyp kele jatqanyn atap ótti.
Foto: QR SIM
Óz kezeginde Japoniianyń ekonomika, saýda jáne ónerkásip vitse-ministri Akiiosi Kato Osakadaǵy EXPO-da ótken elimizdiń Ulttyq kúnimen qazaqstandyq delegatsiiany quttyqtap, ózsózinde mádeni almasýdyń ózara túsinistikti, yntymaqtastyqty jáne eki el arasyndaǵy ekijaqty bailanystardy damytýdaǵy mańyzdylyǵyn atap ótti.
Dúniejúzilik kórme qonaqtary úshin Qazaqstannyń Ulttyq kúnin merekeleý sheńberindeEXPO aýmaǵynda qazaqstandyq balýan, tórt dúrkin álem rekordshysy Sergei Tsyrýlnikovtyń, ulttyq kiimdegi ártister men batyrlardyń qatysýymen aýqymdy sherý uiymdastyryldy.
Sharanyń kórkin keshkisin Expo Hall Shining Hat sahnasynda qazaqstandyq óner sheberleriniń qatysýymen ótken kontsert ashty. Aýqymdy merekelik baǵdarlama shamamen 3 myń kórermendi jinady. Kontsert qazaq mádenietiniń bailyǵyn pash etken Dina Nurpeiisova atyndaǵy akademiialyq halyq aspaptary orkestriniń áýenderimen, Sarmad jáne Art Dombyra ansamblderiniń etno jáne folklorlyq yrǵaqtarymen, opera solisteri Zarina Altynbaeva men Altynbek Ábildanyń keremet daýystarymen, sondai-aq «Birlik» ansambliniń jigerli bi qoiylymdarymen jáne Qazaqstannyń kóptegen basqa da talantty ártisteriniń ónerimen este qaldy. Keshte Q. Saǵyrbaiulynyń, N. Tilendievtiń, Q. Ahmediiarovtyń, L. Hamididiń, E. Brýsilovskiidiń jáne halyq súiispenshiligine bólengen ózge de sazgerlerdiń týyndylary kórermenderdiń ystyq yqylasyna bólendi.
Sonymen qatar shara barysynda kórme aýmaǵynda Astana qalasy men Ulytaý óńiriniń investitsiialyq jáne týristik áleýetin kórsetetin stendter qoiyldy.
Qazaqstandyq pavilon kelýshiler arasynda óte tanymal ekenin aita ketken jón. Oǵan kelgen qonaqtar sany 900 myńǵa jetti.
Esterińizge salyp ótsek, biyl Japoniianyń Osaka qalasynda EXPO 2025 dúniejúzilik kórmesi bastaldy. Uiymdastyrýshylardyń deregi boiynsha aýqymdy is-sharaǵa 160 el men 9 halyqaralyq uiym qatysýda, 28 mln-nan astam kelýshi keledi degen boljam bar. Kórme 2025 jyldyń 13 sáýiri men 13 qazany aralyǵynda ótedi. Ótkizý orny retinde jasandy Iýmeshima araly tańdaldy. EXPO-nyń basty taqyryby – «Bizdiń ómirimiz úshin bolashaq qoǵamyn qurý», ol úsh baǵyt arqyly ashylady: «Ómirdi qutqarý», «Múmkindikterdi keńeitý» jáne «Ómirdi biriktirý».
