فوتو: قر سيم
قازاقستان رەسپۋبليكاسىنىڭ ساۋدا جەنە ينتەگراتسييا مينيسترٸ ارمان شاققاليەۆ باستاعان قازاقستاندىق دەلەگاتسييا EXPO 2025 Osaka دٷنيەجٷزٸلٸك كٶرمەسٸندە قازاقستاننىڭ ۇلتتىق كٷنٸ اياسىنداعى ٸس-شارالارعا قاتىسۋ ٷشٸن جاپونيياعا رەسمي ساپارمەن كەلدٸ, دەپ حابارلايدى Ult.kz.
EXPO National Day Hall (EXPO ۇلتتىق كٷنٸزالى) الاڭىندا مينيستر ا. شاققاليەۆ پەن Osaka EXPO 2025 قاۋىمداستىعى ٶكٸلدەرٸنٸڭ قاتىسۋىمەن قازاقستان رەسپۋبليكاسىنىڭ تۋىن كٶتەرۋ رەسٸمٸ ٶتكٸزٸلدٸ.
مينيستر ٶز سٶزٸندە جاپونييا ٷكٸمەتٸنە جەنە كٶرمەنٸ ۇيىمداستىرۋ كوميتەتٸنە وسى بەدەلدٸ حالىقارالىق شارانى جوعارى دەڭگەيدە دايىنداپ, ٶتكٸزگەنٸ ٷشٸن شىن جٷرەكتەن العىسىن بٸلدٸرٸپ, بٷگٸنگٸ كٷننٸڭ ەلٸمٸز ٷشٸن ماڭىزدىلىعىن اتاپٶتتٸ.
«بٷگٸنگٸ شارا قازاقتىڭ ۇلى ويشىلى اباي قۇنانبايۇلىنىڭ 180 جىلدىعىنا ورايلاستىرىلعان. بۇل ٶڭٸرلەردٸڭ گەوگرافييالىق قاشىقتىعىنا قاراماستان, رۋحىمىزدىڭ جاقىنەكەندٸگٸن بٸلدٸرەدٸ, سەبەبٸ بٸزدٸ دەستٷرلەر مەن اعا بۋىنعا دەگەن قۇرمەت, بٸلٸم مەن ەڭبەككە دەگەنجوعارى مەن بٸرٸكتٸرەدٸ», - دەدٸ ا. شاققاليەۆ ٸس-شارانىڭ رەسمي اشىلۋ سالتاناتىندا.
سونداي-اق مينيستر 1991 جىلى ديپلوماتييالىق قاتىناستار ورناعاننان بەرٸ ەكٸ ەل اراسىنداعى ساۋدا, ينۆەستيتسييا, عىلىم, بٸلٸم, ەكولوگييا جەنە تەحنولوگييا سالالارىندا تۇراقتى ىنتىماقتاستىق دامىپ كەلە جاتقانىن اتاپ ٶتتٸ.
فوتو: قر سيم
ٶز كەزەگٸندە جاپونييانىڭ ەكونوميكا, ساۋدا جەنە ٶنەركەسٸپ ۆيتسە-مينيسترٸ اكييوسي كاتو وساكاداعى EXPO-دا ٶتكەن ەلٸمٸزدٸڭ ۇلتتىق كٷنٸمەن قازاقستاندىق دەلەگاتسييانى قۇتتىقتاپ, ٶزسٶزٸندە مەدەني الماسۋدىڭ ٶزارا تٷسٸنٸستٸكتٸ, ىنتىماقتاستىقتى جەنە ەكٸ ەل اراسىنداعى ەكٸجاقتى بايلانىستاردى دامىتۋداعى ماڭىزدىلىعىن اتاپ ٶتتٸ.
دٷنيەجٷزٸلٸك كٶرمە قوناقتارى ٷشٸن قازاقستاننىڭ ۇلتتىق كٷنٸن مەرەكەلەۋ شەڭبەرٸندەEXPO اۋماعىندا قازاقستاندىق بالۋان, تٶرت دٷركٸن ەلەم رەكوردشىسى سەرگەي تسىرۋلنيكوۆتىڭ, ۇلتتىق كيٸمدەگٸ ەرتٸستەر مەن باتىرلاردىڭ قاتىسۋىمەن اۋقىمدى شەرۋ ۇيىمداستىرىلدى.
شارانىڭ كٶركٸن كەشكٸسٸن Expo Hall Shining Hat ساحناسىندا قازاقستاندىق ٶنەر شەبەرلەرٸنٸڭ قاتىسۋىمەن ٶتكەن كونتسەرت اشتى. اۋقىمدى مەرەكەلٸك باعدارلاما شامامەن 3 مىڭ كٶرەرمەندٸ جينادى. كونتسەرت قازاق مەدەنيەتٸنٸڭ بايلىعىن پاش ەتكەن دينا نۇرپەيٸسوۆا اتىنداعى اكادەمييالىق حالىق اسپاپتارى وركەسترٸنٸڭ ەۋەندەرٸمەن, Sarmad جەنە Art Dombyra انسامبلدەرٸنٸڭ ەتنو جەنە فولكلورلىق ىرعاقتارىمەن, وپەرا سوليستەرٸ زارينا التىنباەۆا مەن التىنبەك ەبٸلدانىڭ كەرەمەت داۋىستارىمەن, سونداي-اق «بٸرلٸك» انسامبلٸنٸڭ جٸگەرلٸ بي قويىلىمدارىمەن جەنە قازاقستاننىڭ كٶپتەگەن باسقا دا تالانتتى ەرتٸستەرٸنٸڭ ٶنەرٸمەن ەستە قالدى. كەشتە ق. ساعىربايۇلىنىڭ, ن. تٸلەنديەۆتٸڭ, ق. احمەديياروۆتىڭ, ل. حاميديدٸڭ, ە. برۋسيلوۆسكييدٸڭ جەنە حالىق سٷيٸسپەنشٸلٸگٸنە بٶلەنگەن ٶزگە دە سازگەرلەردٸڭ تۋىندىلارى كٶرەرمەندەردٸڭ ىستىق ىقىلاسىنا بٶلەندٸ.
سونىمەن قاتار شارا بارىسىندا كٶرمە اۋماعىندا استانا قالاسى مەن ۇلىتاۋ ٶڭٸرٸنٸڭ ينۆەستيتسييالىق جەنە تۋريستٸك ەلەۋەتٸن كٶرسەتەتٸن ستەندتەر قويىلدى.
قازاقستاندىق پاۆيلون كەلۋشٸلەر اراسىندا ٶتە تانىمال ەكەنٸن ايتا كەتكەن جٶن. وعان كەلگەن قوناقتار سانى 900 مىڭعا جەتتٸ.
ەستەرٸڭٸزگە سالىپ ٶتسەك, بيىل جاپونييانىڭ وساكا قالاسىندا EXPO 2025 دٷنيەجٷزٸلٸك كٶرمەسٸ باستالدى. ۇيىمداستىرۋشىلاردىڭ دەرەگٸ بويىنشا اۋقىمدى ٸس-شاراعا 160 ەل مەن 9 حالىقارالىق ۇيىم قاتىسۋدا, 28 ملن-نان استام كەلۋشٸ كەلەدٸ دەگەن بولجام بار. كٶرمە 2025 جىلدىڭ 13 سەۋٸرٸ مەن 13 قازانى ارالىعىندا ٶتەدٸ. ٶتكٸزۋ ورنى رەتٸندە جاساندى يۋمەشيما ارالى تاڭدالدى. EXPO-نىڭ باستى تاقىرىبى – «بٸزدٸڭ ٶمٸرٸمٸز ٷشٸن بولاشاق قوعامىن قۇرۋ», ول ٷش باعىت ارقىلى اشىلادى: «ٶمٸردٸ قۇتقارۋ», «مٷمكٸندٸكتەردٸ كەڭەيتۋ» جەنە «ٶمٸردٸ بٸرٸكتٸرۋ».
