Japoniiada koronavirýstyń taǵy bir jańa shtammy anyqtaldy, dep habarlaidy Kyodo aqparattyq agenttigi.
Jeksenbi kúni resmi derekkózder Tokionyń Haneda áýejaiyna Braziliiadan ushyp kelgen tórt adamnyń koronavirýstyń jańa shtammyn juqtyrǵanyn málimdedi.
Japoniianyń infektsiialyq aýrýlar jónindegi Ulttyq institýtynyń qazirgi kezde virýstyń jańa nusqasynyń buǵan deiingi virýsqa qaraǵanda jyldam taralatyndyǵy nemese kúrdeli belgileriniń bar-joǵy týraly dáleli joq. Institýt basshysy Takadja Vakita jańa nusqanyń (shtamm) Ulybritaniia jáne Ońtústik Afrikada taralyp júrgen virýs túrine uqsas ekenin qosyp ótti.
Koronavirýstyń budan da qaýipti nusqalarynyń eki elde anyqtalýyna qatysty alańdaýshylyǵyn bildirgen Japoniia úkimeti sheteldik rezident emes azamattardyń elge kirýine tyiym saldy.
Japoniianyń densaýlyq saqtaý ministrligi tórt jolaýshynyń Haneda áýejaiyna 2 qańtar kúni Braziliiadan kelgenin habarlady. Áýejaidaǵy karantinnen keiin olardyń koronavirýstyq infektsiiaǵa tapsyrǵan testi oń bolyp shyqqan.
Olardyń ishinde 40 jastaǵy er adam tynys alýy nasharlaǵanyna, 30 jastaǵy áiel tamaǵy men basynyń aýyrǵanyna shaǵymdandy, al jasóspirim balanyń dene qyzýy kóterilgen. Tórtinshisi, jasóspirim qyz balada aýrýdyń eshqandai belgileri bolǵan joq.
Qazirgi kezde Japoniiada koronavirýs infektsiiasyn juqtyrýdyń 6 myńnan astam jańa oqiǵasy tirkeldi. Aýrý juqtyrǵandardyń jalpy sany 289 myń adamnan asqan. Elde qaýipti virýstyń taralýynan 4 myńnan astam adam qaitys boldy.
