Qazaqstan-Japoniia iskerlik keńesiniń múshelerine jáne iri japondyq kompaniialardyń ókilderine onlain formatta jalpy somasy 5 mlrd AQSh dollarynan asatyn Qazaqstandaǵy birqatar júie quraýshy jobalar tanystyryldy, dep habarlaidy QR SIM baspasóz qyzmeti.
Is-sharany QR SIM investitsiialardy tartýdyń úsh deńgeili júiesi aiasynda Japoniianyń jańa táýelsiz memleketterimen saýda jónindegi qaýymdastyǵymen (ROTOBO) tyǵyz yntymaqtastyqta Qazaqstannyń Japoniiadaǵy Elshiligi jáne «Qazaq Invest» AQ uiymdastyrdy.
Iskerlik keńestiń tóraǵasy, «Marubeni» korporatsiiasy Basqarma tóraǵasynyń orynbasary Ichiro Takahara is-sharany asha otyryp, koronovirýstyq daǵdarystan tabysty shyǵý úshin Qazaqstan men Japoniia dástúrli salalarda ǵana emes, tsifrlandyrý, qarjy jáne jasyl ekonomikany qosa alǵanda, jańa taýashalarda saýda-ekonomikalyq yntymaqtastyqty tereńdetýi qajettigin atap ótti.
Jobalar arasynda elektromobilder men batareialar óndirisin qurý, sorǵy jabdyqtaryn, qubyr armatýrasyn jáne asinhrondy elektr qozǵaltqyshtaryn óndirý, robottardyń oqý-óndiristik keshenin, temirjol serippelerin jasaý jelisin salý, turmystyq tehnika óndirisi, zaǵip jáne nashar kóretin adamdarǵa arnalǵan tiflotehnikalyq quraldardy ázirleý jáne óndirý jónindegi ǵylymi-tehnikalyq ortalyǵy bar zaýyt, mys óndirý jónindegi gidrometallýrgiialyq zaýyt salý jónindegi usynystar qyzyǵýshylyq týdyrdy.
Forýmǵa «Marubeni», «Sumitomo», «Mitsui & Co», «Toyota Tsusho», «Komatsu», «Sojitz», «Toyota Engineering», «Nissin», «Yokogawa Electric» kompaniialarynyń, sondai-aq «Mizuho Bank» jáne «MUFG Bank» qarjy korporatsiialarynyń ókilderi qatysty.
