Dúisenbi kúni Japoniianyń Isikava prefektýrasynyń Kaga qalasyndaǵy iri saýda ortalyǵyna aiý kirip ketip, ondaǵy qyzmetkerler men satyp alýshylar shuǵyl evakýatsiialaǵan, dep habarlaidy NHK telearnasy.
Qazirgi kezde ólshemi shamamen bir jarym metr bolatyn jyrtqysh sýpermarket jáne kóptegen dámhanalar ornalasqan ǵimarattyń ishinde áli júr.
Jabaiy ańnyń júrgen jeri ishtegi beinetaspalar arqyly qadaǵalanýda. Ǵimaratqa sondai-aq taspasy bar dron ushyryldy. Saýda ortalyǵyn politsiia qyzmetkerleri qorshap alǵan. Jaqyn mańdaǵy úiler men meiramhanalarda júrgen adamdardy saq bolýǵa shaqyrdy.
Aiý saýda ortalyǵynyń ǵimaratyna ol ashylmas buryn taýarlardy jetkizýge arnalǵan artqy esikten kirip ketken.
