Japondar óz eliniń simvoly sanaityn sakýra osy aptada eldiń batysynda gúldedi, dep habarlaidy "Ult aqparat" Kyodo News-ke silteme jasap.
Bul týraly juma kúni Japoniianyń ulttyq meteorologiialyq basqarmasy málim etti.
Sakýranyń alǵashqy gúldeýi 11 naýryzda Hirosimada bastaldy. Bir qyzyǵy, biylǵy jyly sakýra erte gúldedi. Osy ýaqytqa deiin bul aimaqta bir-aq ret – 2010 jyldyń 10 naýryzynda erte gúldegen bolatyn. Al japon meteorologtarynyń aitýynsha, bul ádemi aǵashtyń ekinshi gúldeýi juma kúni Fýkýokada boldy.
Japondar sakýrany óz eliniń simvoly dep sanaidy jáne onyń gúli beiresmi eltańba mártebesine ie. Ótken jyly pandemiiaǵa bailanysty jergilikti turǵyndar men sheteldik týrister sakýranyń gúldenýin tamashalai almady. Tokioda erekshe qatań shekteýler bolyp, bilik jergilikti turǵyndarǵa sakýranyń gúldenýi kezinde saiabaqtarda serýendeýden bas tartýǵa keńes berdi. Biylǵy jyly da jaǵdai jaqsarmaidy dep kútilýde – Tokioda jańa koronavirýstyń taralýyna bailanysty tótenshe jaǵdai rejimi 21 naýryzǵa deiin sozylyp otyr
