Orys-japon soǵysy bastalǵanǵa deiin bir jyl buryn dúniege kelgen álemdegi eń qart adam Kane Tanaka jeksenbi kúni Japoniianyń ońtústik-batysynda 119 jasyn atap ótti, dep habarlaidy QazAqparat Japoniianyń Kyodo agenttigine silteme jasap.
1903 jyly 2 qańtarda Fýkýoka prefektýrasynda dúniege kelgen Tanaka Japoniiada Meidzi, Taisio, Siova, Heisei jáne qazirgi Reiva dáýirlerin bastan ótkerdi jáne otbasy músheleriniń aitýynsha, 120 jasqa deiin ómir súrýden úmittenedi.
1903 jyly dúniege kelgen kórnekti adamdar arasynda britandyq jazýshy Djordj Orýell, kinorejisser Iasýdziro Odzý jáne japon aqyny Mizýzý Kaneko bar.
Tanaka 2019 jyldyń naýryz aiynda 116 jastaǵy eń kári adam retinde tanylyp, Ginnestiń rekordtar kitabyna endi. Sonymen qatar ol týǵanyna 117 jyl 261 kún tolǵanda Japoniiada rekordtyq jasqa jetti.
Fýkýokadaǵy qarttar úiinde turatyn Tanaka ondaǵy qyzmetkerlermen ym-ishara arqyly aralasady jáne sandyq jumbaqtardy sheshý arqyly ózin jii synaidy. Ol shokolad pen gazdalǵan sýsyndardy jaqsy kóredi.
Toǵyz aǵaiyndynyń ishindegi jetinshisi Tanaka 19 jasynda turmysqa shyqty. Kúieýi men úlken uly 1937 jyly bastalǵan Ekinshi Qytai-Japon soǵysy kezinde shaiqasqa ketkende, ol kespe jasap satyp otbasyn asyraǵan.
