Premer-ministr Iosihide Sýga juma kúni Japoniiada jańa koronavirýstyń qaita órship ketýi múmkin ekenin aitty, dep habarlaidy Kyodo News agenttigi.
«Biz jaǵdaiǵa burynǵydan da saqtyqpen qaraýymyz kerek», - dedi Shýga dieta boiynsha komitet otyrysynda. Osy otyrystan bir kún buryn, 21 tamyzdan beri Japoniiada alǵash ret bir kúnde infektsiiaǵa shaldyqqandar sany 1000-nan asty.
Sarapshylardyń aitýynsha, buǵan kún sýytqandyqtan adamdar jeldetilýi nashar ǵimarat ishinde kóbirek ýaqyt ótkizetini sebep bolýy múmkin.
Juma kúni Tokio úkimeti 242 adamnyń koronavirýs juqtyrǵanyn habarlady, osylaisha astanadaǵy infektsiiaǵa shaldyqqandar sany 32 135-ke jetti. Bul - Japoniianyń 47 prefektýrasynyń ishindegi eń joǵary kórsetkish.
Japoniia beisenbi kúni 1050 juqtyrý oqiǵasyn tirkedi, jalpy infektsiiaǵa shaldyqqandar sany 105000-nan asty, onyń 700-i aqpanda Iokogama portynda karantinge toqtatylǵan Diamond Princess krýizdik laineriniń jolaýshylary. Koronavirýs 1800 adamnyń ómirin qidy.
