پرەمەر-مينيستر يوسيحيدە سۋگا جۇما كٷنٸ جاپونييادا جاڭا كوروناۆيرۋستىڭ قايتا ٶرشٸپ كەتۋٸ مٷمكٸن ەكەنٸن ايتتى, دەپ حابارلايدى Kyodo News اگەنتتٸگٸ.
«بٸز جاعدايعا بۇرىنعىدان دا ساقتىقپەن قاراۋىمىز كەرەك», - دەدٸ شۋگا ديەتا بويىنشا كوميتەت وتىرىسىندا. وسى وتىرىستان بٸر كٷن بۇرىن, 21 تامىزدان بەرٸ جاپونييادا العاش رەت بٸر كٷندە ينفەكتسيياعا شالدىققاندار سانى 1000-نان استى.
ساراپشىلاردىڭ ايتۋىنشا, بۇعان كٷن سۋىتقاندىقتان ادامدار جەلدەتٸلۋٸ ناشار عيمارات ٸشٸندە كٶبٸرەك ۋاقىت ٶتكٸزەتٸنٸ سەبەپ بولۋى مٷمكٸن.
جۇما كٷنٸ توكيو ٷكٸمەتٸ 242 ادامنىڭ كوروناۆيرۋس جۇقتىرعانىن حابارلادى, وسىلايشا استاناداعى ينفەكتسيياعا شالدىققاندار سانى 32 135-كە جەتتٸ. بۇل - جاپونييانىڭ 47 پرەفەكتۋراسىنىڭ ٸشٸندەگٸ ەڭ جوعارى كٶرسەتكٸش.
جاپونييا بەيسەنبٸ كٷنٸ 1050 جۇقتىرۋ وقيعاسىن تٸركەدٸ, جالپى ينفەكتسيياعا شالدىققاندار سانى 105000-نان استى, ونىڭ 700-ٸ اقپاندا يوكوگاما پورتىندا كارانتينگە توقتاتىلعان Diamond Princess كرۋيزدٸك لاينەرٸنٸڭ جولاۋشىلارى. كوروناۆيرۋس 1800 ادامنىڭ ٶمٸرٸن قيدى.
