Japoniia - Qazaqstannyń Shyǵys Aziiadaǵy negizgi saýda-ekonomikalyq áriptesteriniń biri. Japoniia elimizdegi investorlardyń alǵashqy ondyǵyna kiredi, dep habarlaidy QR SIM baspasóz qyzmeti.
QR Ulttyq Bankiniń málimetine sáikes, 2005 jyldan 2018 jylǵa deiingi kezeńde japon investitsiialarynyń jalpy aǵyny 5,8 mlrd. AQSh dollaryn qurady. Al 2018 jyly Japoniiadan kelgen investitsiialardyń jalpy aǵyny $ 403 mln qurady. 2018 jyly elder arasyndaǵy taýar ainalymy 2 milliard dollarǵa jetti, onyń ishinde eksport - 1,5 milliard, import - 497 million dollar.
Búginde qazaqstan-japon qatynastary ózara tiimdi yntymaqtastyqtyń arqasynda aitarlyqtai nátijege qol jetkizdi. Qazaqstanda japondyq kapitaldyń qatysýymen 70-ten astam kásiporyn jumys isteidi. Saýda-ekonomikalyq yntymaqtastyq boiynsha Úkimetaralyq komissiia jáne Iskerlik keńes qyzmet etedi. Eki el arasynda investitsiialardy kótermeleý jáne ózara qorǵaý týraly kelisim bar.
Japondyq investorlardyń qatysýymen himiia ónerkásibi, mashina jasaý, infraqurylym, agroónerkásiptik keshen jáne ken-metallýrgiia salalarynda birqatar jobalar júzege asyrylýda. Mysaly, Almaty oblysyndaǵy «Mareven Food» japondyq kompaniiasy daiyn azyq-túlik pen jartylai fabrikattardy shyǵaratyn zaýytty iske qosty. Jobanyń quny shamamen 50 million AQSh dollaryn qurady, 600 jumys orny ashyldy. Bul zaýyt azyq-túlik pen jartylai fabrikattarynyń keń assortimentin otandyq óndirýshiden usynady. Bul degenimiz Qazaqstannyń ishki naryǵyn ǵana emes, sondai-aq EAEO, Qytai, Ózbekstan jáne Mońǵoliiany ónimdermen qamtamasyz etýdi bildiredi.
Almaty qalasynda bolat kabelderdi óndirý boiynsha álemdik kóshbasshy - «Tokio Rope» kompaniiasy injenerlik qorǵaý júielerin óndirý zaýytyn salǵan. Zaýyttyń óndiristik qýaty jylyna 17 myń tonnadan astam bolat ónimderin quraidy.
Sondai-aq, Jambyl oblysynda japondyq Cokey Systems kompaniiasynyń qatysýymen miia tamyryn tereń óńdeý zaýyty paidalanýǵa berildi.
Aita keteiik, miia tamyrynda glikirrizitsin qyshqyly bar. Ol taǵamdyq táttilendirýshi jáne preparat retinde qoldanylady.
Kólik salasyndaǵy álemdik kóshbasshy - NYK Group japondyq kompaniiasy Almatyda avtokólikterdi óńdeý úshin logistikalyq terminal salǵan. Negizgi qyzmet - terminalmen jumys isteitin avtokólikterdi tasymaldaý jáne dilerlerge tasymaldaý. Qazirgi ýaqytta investor Nur-Sýltan qalasynda uqsas terminal qurylysyn aiaqtap jatyr.
Biz munai-himiia, infraqurylym, farmatsevtika, energetika, aqparattyq tehnologiialar jáne innovatsiia sekildi salalarda Japoniiamen ózara tiimdi yntymaqtastyqtyń keleshegi men bolashaǵyn kórip otyrmyz. Qazirgi ýaqytta QR SIM Investitsiia komiteti Qazaqstan Respýblikasynyń Japoniiadaǵy Elshiligimen jáne «Qazaq Invest» AQ-men birlesip shamamen 20 jobany pysyqtap jatyr.
