Abai shyǵarmalaryn oqý estafetasy Japoniiaǵa da jetti. Qazaqstanmen parlamenttik dostyq ligasynyń tóraǵasy Takeo Kavamýra Abaidyń qara sózin oqyp, bastamaǵa ún qosty, dep habarlaidy "Ult aqparat" Qazaqstannyń Japoniiadaǵy elshiligine silteme jasap.
Takeo Kavamýranyń aitýynsha, bul estafetany oǵan dosy, Parlament Senatynyń depýtaty Muhtar Qul-Muhammed joldaǵan. Osylaisha dostyq ligasynyń tóraǵasy Abai Qunanbaevtyń 38-shi qara sózinen úzindi oqyp berdi. Sodan keiin estafetany Qazaqstannyń Japoniiadaǵy elshisi Erlan Baýdarbek-Qojataevqa joldady.
Eske sala keteiik, QR Prezidenti Qasym-Jomart Toqaev 9 jasar mektep oqýshysynan Abai óleńderin oqý estafetasyn qabyl alyp, ony Bilim jáne ǵylym ministri Ashat Aimaǵambetovke jáne búkil álemdi moiyndatqan talantty ánshi Dimash Qudaibergenge joldaǵan edi.
