sýret ashyq derekkózden alyndy
Ál-Farabi atyndaǵy Qazaq ulttyq ýniversitetiniń rektory Janseiit Túimebaevtyń ulyn óltirdi degen kúdikke ilingen áskeri qyzmetkerge sot úkimi shyqty, - dep habarlaidy "Ult aqparat".
Eske salaiyq, Túimebaevtyń uly 2022 jyly 6 qańtarda keshke, komendanttyq saǵat bastalmai jatyp qaza tapty. Jas jigit kólikpen úiine qaityp kele jatqan. Sátbaev kóshesine jetpei, qiylysta toqtaǵan kezde onyń kóligine belgisiz bireý oq jaýdyrǵan.
Almaty garnizonynyń áskeri sotynda QR Qylmystyq kodeksiniń 451-baby 2-bóliginiń 1-tarmaǵynda kózdelgen qylmystyq quqyq buzýshylyqty jasady (Qarý qoldaný arqyly bilikti jáne qyzmettik ókilettiligin asyra paidalaný) dep aiyptalǵan sottalýshyǵa qatysty qylmystyq is qaraldy.
"Sottalýshy M. 2022 jyldyń 6 qańtarynda, Almaty qalasyndaǵy tótenshe jaǵdai kezinde qoǵamdyq qaýipsizdikti qamtamasyz etý úshin tartylǵan 18404 áskeri bóliminiń quramynda bolǵan. Ol bilik ókili bola tura, óziniń ókilettigin asyra paidalanyp, qandai da bir qater men qarý qoldanýǵa negiz bolmaǵanyna qaramastan, "Respýblika" alańy mańynda, baǵdarshamnyń aldyndaǵy qiylysta turǵan "Lexus 570" markaly avtokólikke avtomatpen birneshe ret oq atqan. Sonyń saldarynan beibit azamat, iaǵni atalǵan avtokólik júrgizýshisi qaza tapqan" - delingen sot habarlamasynda.
Resmi málimet boiynsha, prokýror áskeri qyzmetshige túpkilikti 7 jyl merzimge bas bostandyǵynan aiyrý jazasyn taǵaiyndaýdy suraǵan. Alaida sottalýshy kinásin moiyndamaǵan.
"Qylmystyq quqyq buzýshylyq aýyr qylmystar sanatyna jatady jáne ol úshin 5 jyldan 7 jylǵa deiin bas bostandyǵynan aiyrý jazasy qarastyrylǵan.
Jaza taǵaiyndaý kezinde sot sottalýshynyń jas balalarynyń baryn eskerip, ony qylmystyq jaýapkershilik pen jazany jeńildetetin mán-jai retinde qarastyrdy. Al ant bergen adamnyń qylmystyq quqyq buzýshylyq jasaýyn aýyrlatatyn mán-jai dep tanydy.
Jasalǵan qylmystyń sipaty men qoǵamdyq qaýiptilik dárejesin eskere otyryp, sottalýshyǵa 6 jyl 6 aiǵa bas bostandyǵynan aiyrý jazasy taǵaiyndaldy", - delingen áskeri sot habarlamasynda.
Úkim zańdy kúshine engen joq.
