Túrkistan oblysynyń ortalyǵy - Túrkistan shaharynda oblys ákimi Janseiit Túimebaevtyń «Daryn» memlekettik jastar syilyǵynyń laýreattary men «Worldskils Kazakhstan - 2018» ulttyq chempionatynyń jeńimpazdaryn qabyldaǵan jiyn ótti.
Kezdesýge osy jyly «Daryn» memlekettik jastar syilyǵynyń laýreaty atanǵan túrkistandyq azamattar men «Worldskils Kazakhstan - 2018» ulttyq chempionatynda júldeli oryndarǵa ie bolǵan stýdentter kelip, óńir basshysynyń Alǵys haty men baǵaly syilyqtaryna ie boldy.
"Búgin Túrkistan oblysy úshin úlken qýanyshty kún. Olai deitinimiz oblysymyzǵa ǵana emes, barsha Qazaqstanǵa tanymal, oblysymyzdyń betke ustar daraboz azamattarymyz Respýblikalyq «Daryn» jastar syilyǵynyń laýreaty atansa, jas ónertapqysh stýdentterimiz respýblikalyq «Worldskils Kazakhstan - 2018» ulttyq chempionatynda júzden júirik shyǵyp júldeli oryndardan kórindi. Bul jeńistiń artynda úlken eńbek turǵany belgili. Elimizdiń osyndai jeńispen oralýyna osynda otyrǵan jetekshileriniń eńbekteriniń arqasy dep bilemin. Osyǵan orai, Sizderdi alǵan jeńisterińizben shyn júrekten quttyqtai otyryp, barsha oblys turǵyndary atynan alǵysymyzdy bildiremiz. 2019 jyly Resei Federatsiiasynyń Qazan qalasynda ótetin «Worldskils Kazan - 2019» halyqaralyq chempionatyn elimizdiń týyn biikke kóteretinderińizge senemin", - dedi ákim.
Munan soń, «Daryn» memlekettik jastar syilyǵynyń laýreattary sóz alyp, aimaq basshysyna rizashylyǵyn bildirdi. Izgi tilekterinde jerlesterimiz oblysymyzdyń túrli salalarda ósip, órkendeýine, meilinshe, atsalysýǵa ýáde etti.
«Daryn» memlekettik jastar syilyǵy 1992 jyldan beri túrli saladaǵy ádebiet, ǵylym, dizain jáne beineleý óneri, jýrnalistika, klassikalyq mýzyka, qoǵamdyq qyzmet, sport, teatr jáne kino, estrada, halyq shyǵarmashylyǵy siiaqty 10 nominatsiia boiynsha berilip, daryndy jastardy memleket tarapynan qoldaý maqsatynda jyl saiyn usynylady.
Oǵan elimizden 200-den asa talantty jastarymyz ie boldy. Bul syilyqqa ár jyldary óńirimizden shyqqan estrada juldyzdary N.Ónerbaev, S.Maiǵaziev, A.Jorabaeva, «Jigitter» kvarteti, N.Qurmanov, Q.Nurtas, óner maitalmandary S.Ábdihalyqov, aitysker, aqyn Bekarys Shoibek siiaqty belgili tulǵalarǵa berilgen.
Biylǵy baiqaýǵa 300-den asa úmitker qatysqan. Túrkistan oblysynan laýreattar arasynda «Halyq shyǵarmashylyǵy» nominatsiiasy boiynsha aitysker aqyn Birjan Baitýov, «Sport nominatsiiasyn» bokstan álem chempiony Qairat Eraliev, «Jýrnalistika» nominatsiiasymen «Aiǵaq» teleradiokompaniiasy JShS bas redaktory Saltanat Toibolova ielendi. Barlyq jeńimpazdarǵa QR Úkimetiniń qaýlysymen «2017 jylǵy Daryn memlekettik jastar syilyǵynyń laýreaty» ataǵy berildi jáne olar diplommen, tósbelgilermen jáne aqshalai syilyqtarmen marapattaldy.
Qazaqstan 2014 jyly Worldskils Assotsiatsiia quramyna 70-shi qatysýshy memleket bolyp tirkelip, biylǵy jyly 4-ret respýblikada Ulttyq chempionat bolyp ótti. Túrkistan oblysynyń atynan 9 stýdent aǵymdaǵy jyldyń 1 – 8 jeltoqsan aralyǵynda jumysshy mamandyqtarynan Astana qalasynda ótkizilgen «WorldSkills Kazakhstan - 2018» Ulttyq chempionatyna jiberilip, onyń 7-ýi júldeli oryndarǵa (2 altyn, 3 kúmis, 1 qola, 1 medalon) ie bolsa, onyń ishinde 2 altyn medal iegerleri 2019 jyly tamyz aiynda Resei Federatsiiasynyń Qazan qalasynda ótkiziletin «WorldSkills Kazan – 2019» halyqaralyq chempionatqa joldama alǵan-dy.
