Túrkistan oblysy ákimi Janseiit Túimebaev 16 jeltoqsan - Táýelsizdik kúnimen quttyqtady. Óńir basshysynyń quttyqtaýyn tolyq mátinde nazarlaryńyzǵa usynamyz.
Qadirmendi túrkistandyqtar!
Sizderdi Ulyq merekemiz – Qazaqstan Respýblikasy Táýelsizdigi kúnimen shyn júrekten quttyqtaimyn!
Táýelsizdik kúni – Qazaqstannyń árbir azamaty úshin qasterli mereke. Ǵasyrlar boiy azattyq ańsaǵan eldiń armany osydan 27 jyl buryn oryndalyp, Qazaqstan Respýblikasy óz táýelsizdigin jariialady.
Qazaqstannyń yntymaǵy jarasqan, eńbekqor ári beibitshiliksúigish halqy osy ýaqyt aralyǵynda tolaǵai tabystarǵa jetti. Búginde álemniń 150-den astam memleketimen beibit diplomatiialyq qarym-qatynastar ornattyq.
Tuńǵysh Prezidentimiz – Ult Kóshbasshysy Nursultan Nazarbaevtyń saliqaly saiasatynyń arqasynda biz zamanaýi, ashyq ári demokratiia qaǵidalaryna adal qoǵam qura bildik. Bul qoǵamnyń basty qundylyqtary beibitshilik pen tatýlyq, etnosaralyq jáne konfessiiaaralyq kelisim, azattyq pen teńdik ekeni barshaǵa málim.
Biyl alǵash ret Táýelsizdik kúni merekesin oblystyń jańa ortalyǵy – qasietti Túrkistan qalasynda qarsy alyp otyrmyz. Elbasy Túrkistan oblysyn quryp, onyń ortalyǵyn osynaý tarihi qalaǵa kóshirý jónindegi sheshim qabyldaý arqyly tarihi ádilettilik ornatty. Ǵasyrlar boiy Qazaq handyǵynyń astanasy bolǵan Túrkistan jańa ǵasyrda qaita túlep, tutas túrki áleminiń rýhani-mádeni astanasy retinde damýǵa qadam basty. Osynyń barlyǵy – táýelsizdigimizdi baiandy etip, Máńgilik elge ainalý jolyndaǵy naqty qadamdarymyz.
Memleket basshysy N.Nazarbaev óziniń «Uly dalanyń jeti qyry» atty maqalasynda «Kóne jylnamalar búgingi qazaqtardyń arǵy babalary ulanǵaiyr Eýraziia qurlyǵyndaǵy saiasi jáne ekonomikalyq tarihtyń betalysyn talai ret túbegeili ózgertkeni týraly syr shertedi» dep atap ótken bolatyn.
Rasynda, tarihtan alar tálim mol. Biz ótkenimizge qurmetpen qarap, bolashaǵymyzǵa senimmen kóz tikken halyqpyz. Ult tarihyna kóz jibersek, ata-babalarymyzdyń óz zamanynyń tehnologiialyq jańalyqtaryn ashyp, sonyń arqasynda álemge ústemdik etken kezeńderin de, erkindik pen teńdik úshin jan alysqan ult-azattyq kúresin de kóremiz. Al, Táýelsizdik kúni – bar ǵumyryn bostandyq úshin kúreske arnaǵan sol bozdaqtardyń jankeshti eńbegi men eren erligin eske alatyn sát.
Táýelsiz el ataný tek biik mártebe ǵana emes, sonymen qatar, orasan zor jaýapkershilik júgin artatyndyǵyn da jaqsy túsinemiz. Eldiń erteńine degen sol jaýapkershilikti árbirimiz tereńnen sezine bilgende ǵana yntymaǵymyz yrysty, baǵymyz baiandy bolmaq.
Barshańyzdy basty ulttyq merekemiz – Táýelsizdik kúnimen quttyqtai otyryp, otbasylaryńyzǵa amandyq, denderińizge saýlyq, eńbekterińizge jemis tileimin
Táýelsizdigimiz máńgilik bolsyn!
Túrkistan oblysynyń ákimi J.TÚIMEBAEV
