Qazaqstan halqy Assambleiasy tóraǵasynyń orynbasary Janseiit Túimebaev Prezident Qasym-Jomart Toqaevtyń halyqqa Joldaýy týraly pikir bildirdi, dep habarlaidy QazAqparat tilshisi.
Onyń aitýynsha, Joldaýdyń Parlament sessiiasynyń ashylýynda jariialanýy jańa saiasi maýsymnyń bastalýymen tuspa-tus keldi jáne onda Prezidenttiń sailaýaldy baǵdarlamasyndaǵy bastamalar men usynystar qamtylǵan.
«Eń aldymen Prezident saiasi júieniń evoliýtsiialyq damýyna taǵy da nazar aýdardy. Júiesiz liberalizatsiia ishki saiasi jaǵdaidy turaqsyz etip, memlekettilikti joǵaltýǵa deiin ákep soǵady. Sondyqtan, saiasi reformalardy birizdi, turaqty júrgizý jolyn tańdaimyz. Sonymen birge, Memleket basshysy qoǵamdyq-saiasi reformalardyń qajettigin aitty. Myqty Prezident, yqpaldy Parlament, esep beretin Úkimet maqsatyna umtylýymyz qajet», - dedi J. Túimebaev.
QHA ókili azamattardyń suranysyna jedel jaýap beretin «Ashyq memleket» tujyrymdamasyn júzege asyrý mindetin de eske saldy. Onyń pármendi mehanizmderiniń biri retinde Ulttyq qoǵamdyq senim keńesin atady.
«Sonymen birge, Prezident qoǵamda rezonans týdyrǵan oqiǵalarǵa ún qatty. Ol Parlament pen Úkimetke jynystyq zorlyq, pedofiliia, esirtki taratý, adam saýdasy, turmystyq zorlyq-zombylyq úshin jazany kúsheitýdi tapsyrdy. Joldaýda halyqty tolǵandyrǵan kóptegen suraqtarǵa jaýap berildi. Bul – zaman talap etken naqty áreketterdiń baǵdarlamasy. Endi qoiylǵan mindetterdi tabysty júzege asyrý úshin memlekettik organdar men azamattyq qoǵam ókilderin tartyp, quqyqtyq, uiymdastyrý jáne ózge de qajetti jaǵdaidy jasaý mańyzdy», - dedi J. Túimebaev.
.jpeg)