Qazaqstan Respýblikasynyń Prezidenti Nursultan Nazarbaevtyń Ózbekstan Respýblikasyna memlekettik saparynyń aiasynda mańyzdy kelissózder júrgizilip, birqatar kelisimderge qol qoiyldy. Ózbekstan elimen shekaralas Ońtústik Qazaqstan oblysy úshin de bul sapardyń orny erekshe boldy. Sondyqtan da qazaqstandyq resmi delegatsiianyń quramynda OQO ákimi Janseiit Túimebaevta qatysty, dep habarlaidy óńirlik ákimdiktiń baspasóz qyzmeti.
Búginde Qazaqstan men Ózbekstan arasynda áriptestik bailanys arta tústi. Máselen, biyldyń ózinde beketter ashylyp, eki eldiń arasynda jańadan poiyz ben avtobýstar qatynap, kedendegi birqatar aktsizdik tólem alynyp tastaldy.
Bul jolǵy Memleket basshysynyń jumys sapyrynda da 10 mańyzdy qujatqa qol qoiyldy. Sonyń ishinde Ońtústik Qazaqstan oblysynyń ákimi Janseiit Túimebaev pen Tashkent oblysynyń hokimy Babaev Shýkýrýllo, Syrdariia oblysynyń hokimy Oibek Ashýrmatov jáne Djizak oblysynyń hokimy Ismolilov Saifýddinderdiń arasynda saýda-ekonomikalyq jáne mádeni-gýmanitarlyq salalardaǵy ózara túsinistik týraly memorandým túzildi.
Sonymen qatar, Elbasynyń kórshi elge jasaǵan sapary aiasynda uiymdastyrylǵan eki el kásipkerleriniń qatysýymen qazaq-ózbek biznes-forýmy ótti. Baýyrlas elderdiń saýda-ekonomikalyq yntymaqtastyǵynyń artýyna múmkindik beretin kezdesýge qazaqstandyq 300-den astam kásipker qatysty.
Iskerlik kezdesýge Ońtústik Qazaqstan oblysynan óńir basshysy bastaǵan 150-den astam kásipker qatysty. Eki eldiń ǵasyrdan beri jalǵasqan dostyq qarym-qatynasy jandanǵan iskerlik jiynda OQO kásipkerleri men ózbekstandyq biznesmender arasynda saýda-ekonomikalyq týraly 7 yntymaqtastyq memorandýmyna qol qoiyldy. Sondai-aq, Qazaqstan boiynsha quny 1,2 mlrd AQSh dollaryn quraityn birneshe kelisimder túzildi. Sondai tiimdi kelisimderdiń birine elimizdegi 200-den astam dári-dármek shyǵarýmen ainalysatyn «Himfarm» aktsionerlik qoǵamy qol jetkizdi. Eldegi osy saladaǵy jetekshi kásiporyn buǵan deiin kórshi Qyrǵyzstan Ázerbaijan, Túrkimenstan, Monǵoliia syndy elderge óz ónimderin eksporttap kelgen bolsa, endi mine Ózbekstanǵa óz ónimin shyǵarmaq.
Aita keteiik, jyl basynan beri Ońtústik Qazaqstan oblysynyń ákimi Janseiit Túimebaev kórshi elmen qarym-qatynasty kúsheitý maqsatynda birqatar kelissózder júrgizip, iskerlik jiyndar ótkizdi. Máselen, Elbasynyń tapsyrmasyna sáikes transshekaralyq Ógem ózeninen sýdy birigip paidalaný maqsatynda Ózbekstan memleketimen kelissózder júrgizilip, aýyz sý bólip alýǵa kelisim jasaldy. Nátijesinde, aldaǵy bes jylda Ońtústik Qazaqstan oblysynyń 700 myńǵa tarta halqy bar úsh aýdany sapaly aýyz sýmen qamtamasyz etiletin bolady.
Ózbekstan kúngei kásipkerleri úshin 32 milliondyq tutynýshysy bar eń jaqyn naryq. Sondyqtanda taýar ainalymyn arttyryp, kásipkerlikti birlese damytý maqsatynda naýryz aiynda J.Túimebaev bastaǵan ońtústikqazaqstandyq delegatsiia Ózbekstanǵa resmi saparmen barǵan-dy. Nátijesinde mamyr aiynda Tashkent taýar óndirýshileriniń kórmesi Shymkentte uiymdastyrylyp, oǵan 200-dei kásiporyn óz ónimderin usyndy.
Eki eldiń qarym-qatynasyn jaqsartý maqsatynda naýryz aiynda «Almaty-Tashkent» jáne «Samarqand-Tashkent-Astana» baǵytyndaǵy alǵashqy poiyz jolǵa shyqty. Budan bólek, shilde aiynda Tashkent-Termez avtojoly men «Syrdariia» ótkizý beketi ashyldy.
