Búgin - QR Tuńǵysh Prezidenti kúni. Osynaý ataýly dataǵa orai Túrkistan oblysynyń ákimi Janseiit Túimebaev barsha halyqty quttyqtap, aq tilegin bildirdi. Janseiit Qanseiitulynyń quttyqtaýyn tolyq mátinde nazarlaryńyzǵa usynamyz.
***
Qadirmendi qaýym! Sizderdi jalpyhalyqtyq merekemiz 1 jeltoqsan – Qazaqstan Respýblikasynyń Tuńǵysh Prezidenti kúnimen shyn júrekten quttyqtaimyn!
1991 jyldyń 1 jeltoqsanynda Qazaqstanda tuńǵysh ret jalpyhalyqtyq sailaý ótti. Onda halyqtyń basym kópshiliginiń qoldaýyna ie bolǵan Nursultan Ábishuly Nazarbaev jeńiske jetti. Qazaqstan halqy osynaý tarihi tańdaýy arqyly Táýelsiz memleketimizdiń damý jolyndaǵy alǵashqy qadamyn jasady.
Tuńǵysh Prezidenttiń jas memlekettiń negizin qalaýshy retindegi tarihi róli búginde aiqyn kórine bastady. Ult Kóshbasshysynyń kóregendiginiń arqasynda Qazaqstan derbes, álemde ózindik orny bar memleket bolyp qalyptasty. Ekonomikalyq turǵyda damyp, halyqtyń ál-aýqaty jaqsardy.
Elimiz syrtqy jáne ishki saiasatta kóptegen belesterdi baǵyndyrdy. Qanshama qiyn-qystaý kezeńderde halqymyzdyń birligi men yntymaǵynyń saqtalýy, Qazaqstannyń túrli halyqaralyq uiymdarǵa múshe bolyp qana qoimai, oǵan tóraǵalyq etýi, ǵalamdyq deńgeidegi kúrdeli problemalardyń Astana alańynda talqylanýy – sózimizdiń aiǵaǵy.
Prezidentimizdiń Semei poligonyn jabý, iadrolyq qarýdan óz erkimen bas tartý jónindegi batyl da kóregen sheshimderiniń arqasynda búginde halyqaralyq qaýymdastyq Qazaqstandy iadrolyq qarýsyz álem qurý baǵytyndaǵy kóshbasshy ári beibitshilik súigish memleket retinde tanidy.
Biyl, mine, Astana qalasynyń 20 jyldyq mereitoiyn búkil el bolyp atap óttik. Bar-joǵy jiyrma jyldyń ishinde Astana el damýynyń qozǵaýshy kúshine ainaldy.
Tuńǵysh Prezidetimiz Qazaqstandy saiasi-ekonomikalyq jáne áleýmettik turǵydan damytýmen shektelmei, halqymyzdyń HHI ǵasyrdyń talaptaryna sai rýhani-mádeni turǵyda kemeldenýine basa nazar aýdaryp keledi. Elbasynyń «Bolashaqqa baǵdar: rýhani jańǵyrý» atty súbeli eńbegi men jýyrda ǵana jaryq kórgen «Uly Dalanyń jeti qyry» atty maqalasy sózimizdiń aiǵaǵy. Bul eńbekterdiń qai qaisysy da ulttyq tarihymyzdy túgendei otyryp halyqtyń sanasyn jańǵyrtýǵa negiz bolmaq.
Biyl, 19 maýsymda QR Prezidenti Nursultan Nazarbaevtyń Túrkistan oblysyn qurý jáne onyń ortalyǵy etip Túrkistan qalasyn bekitý týraly Jarlyǵy jaryq kórdi.
Bul – tarihi ádilettiliktiń ornaýy der edik. Ári osynaý tarihi sheshimi arqyly Ult Kóshbasshysy óziniń alysty boljai biletin kemeńger saiasatker ekenin taǵy bir ret dáleldedi. Bolashaqta Túrkistan Qazaq eliniń rýhani astanasy ǵana emes, búkil túrki áleminiń mádeni ortalyǵyna ainalady.
Barshańyzdy aitýly merekemen taǵy da quttyqtai otyryp, deńderińizge saýlyq, otbasylaryńyzǵa amandyq tileimin!
Elimizde beibitshilik pen kelisim máńgi saqtalyp, Táýelsizdigimiz baiandy bolǵai.
Janseiit TÚIMEBAEV,
Túrkistan oblysynyń ákimi
