بٷگٸن - قر تۇڭعىش پرەزيدەنتٸ كٷنٸ. وسىناۋ اتاۋلى داتاعا وراي تٷركٸستان وبلىسىنىڭ ەكٸمٸ جانسەيٸت تٷيمەباەۆ بارشا حالىقتى قۇتتىقتاپ, اق تٸلەگٸن بٸلدٸردٸ. جانسەيٸت قانسەيٸتۇلىنىڭ قۇتتىقتاۋىن تولىق مەتٸندە نازارلارىڭىزعا ۇسىنامىز.
***
قادٸرمەندٸ قاۋىم! سٸزدەردٸ جالپىحالىقتىق مەرەكەمٸز 1 جەلتوقسان – قازاقستان رەسپۋبليكاسىنىڭ تۇڭعىش پرەزيدەنتٸ كٷنٸمەن شىن جٷرەكتەن قۇتتىقتايمىن!
1991 جىلدىڭ 1 جەلتوقسانىندا قازاقستاندا تۇڭعىش رەت جالپىحالىقتىق سايلاۋ ٶتتٸ. وندا حالىقتىڭ باسىم كٶپشٸلٸگٸنٸڭ قولداۋىنا يە بولعان نۇرسۇلتان ەبٸشۇلى نازارباەۆ جەڭٸسكە جەتتٸ. قازاقستان حالقى وسىناۋ تاريحي تاڭداۋى ارقىلى تەۋەلسٸز مەملەكەتٸمٸزدٸڭ دامۋ جولىنداعى العاشقى قادامىن جاسادى.
تۇڭعىش پرەزيدەنتتٸڭ جاس مەملەكەتتٸڭ نەگٸزٸن قالاۋشى رەتٸندەگٸ تاريحي رٶلٸ بٷگٸندە ايقىن كٶرٸنە باستادى. ۇلت كٶشباسشىسىنىڭ كٶرەگەندٸگٸنٸڭ ارقاسىندا قازاقستان دەربەس, ەلەمدە ٶزٸندٸك ورنى بار مەملەكەت بولىپ قالىپتاستى. ەكونوميكالىق تۇرعىدا دامىپ, حالىقتىڭ ەل-اۋقاتى جاقساردى.
ەلٸمٸز سىرتقى جەنە ٸشكٸ ساياساتتا كٶپتەگەن بەلەستەردٸ باعىندىردى. قانشاما قيىن-قىستاۋ كەزەڭدەردە حالقىمىزدىڭ بٸرلٸگٸ مەن ىنتىماعىنىڭ ساقتالۋى, قازاقستاننىڭ تٷرلٸ حالىقارالىق ۇيىمدارعا مٷشە بولىپ قانا قويماي, وعان تٶراعالىق ەتۋٸ, عالامدىق دەڭگەيدەگٸ كٷردەلٸ پروبلەمالاردىڭ استانا الاڭىندا تالقىلانۋى – سٶزٸمٸزدٸڭ ايعاعى.
پرەزيدەنتٸمٸزدٸڭ سەمەي پوليگونىن جابۋ, يادرولىق قارۋدان ٶز ەركٸمەن باس تارتۋ جٶنٸندەگٸ باتىل دا كٶرەگەن شەشٸمدەرٸنٸڭ ارقاسىندا بٷگٸندە حالىقارالىق قاۋىمداستىق قازاقستاندى يادرولىق قارۋسىز ەلەم قۇرۋ باعىتىنداعى كٶشباسشى ەرٸ بەيبٸتشٸلٸك سٷيگٸش مەملەكەت رەتٸندە تانيدى.
بيىل, مٸنە, استانا قالاسىنىڭ 20 جىلدىق مەرەيتويىن بٷكٸل ەل بولىپ اتاپ ٶتتٸك. بار-جوعى جيىرما جىلدىڭ ٸشٸندە استانا ەل دامۋىنىڭ قوزعاۋشى كٷشٸنە اينالدى.
تۇڭعىش پرەزيدەتٸمٸز قازاقستاندى ساياسي-ەكونوميكالىق جەنە ەلەۋمەتتٸك تۇرعىدان دامىتۋمەن شەكتەلمەي, حالقىمىزدىڭ ححٸ عاسىردىڭ تالاپتارىنا ساي رۋحاني-مەدەني تۇرعىدا كەمەلدەنۋٸنە باسا نازار اۋدارىپ كەلەدٸ. ەلباسىنىڭ «بولاشاققا باعدار: رۋحاني جاڭعىرۋ» اتتى سٷبەلٸ ەڭبەگٸ مەن جۋىردا عانا جارىق كٶرگەن «ۇلى دالانىڭ جەتٸ قىرى» اتتى ماقالاسى سٶزٸمٸزدٸڭ ايعاعى. بۇل ەڭبەكتەردٸڭ قاي قايسىسى دا ۇلتتىق تاريحىمىزدى تٷگەندەي وتىرىپ حالىقتىڭ ساناسىن جاڭعىرتۋعا نەگٸز بولماق.
بيىل, 19 ماۋسىمدا قر پرەزيدەنتٸ نۇرسۇلتان نازارباەۆتىڭ تٷركٸستان وبلىسىن قۇرۋ جەنە ونىڭ ورتالىعى ەتٸپ تٷركٸستان قالاسىن بەكٸتۋ تۋرالى جارلىعى جارىق كٶردٸ.
بۇل – تاريحي ەدٸلەتتٸلٸكتٸڭ ورناۋى دەر ەدٸك. ەرٸ وسىناۋ تاريحي شەشٸمٸ ارقىلى ۇلت كٶشباسشىسى ٶزٸنٸڭ الىستى بولجاي بٸلەتٸن كەمەڭگەر ساياساتكەر ەكەنٸن تاعى بٸر رەت دەلەلدەدٸ. بولاشاقتا تٷركٸستان قازاق ەلٸنٸڭ رۋحاني استاناسى عانا ەمەس, بٷكٸل تٷركٸ ەلەمٸنٸڭ مەدەني ورتالىعىنا اينالادى.
بارشاڭىزدى ايتۋلى مەرەكەمەن تاعى دا قۇتتىقتاي وتىرىپ, دەڭدەرٸڭٸزگە ساۋلىق, وتباسىلارىڭىزعا اماندىق تٸلەيمٸن!
ەلٸمٸزدە بەيبٸتشٸلٸك پەن كەلٸسٸم مەڭگٸ ساقتالىپ, تەۋەلسٸزدٸگٸمٸز باياندى بولعاي.
جانسەيٸت تٷيمەباەۆ,
تٷركٸستان وبلىسىنىڭ ەكٸمٸ
