Ál-Farabi atyndaǵy QazUÝ-dyń rektory bolyp Janseiit Túimebaev taǵaiyndaldy, dep habarlaidy "Ult aqparat".
QR Bilim jáne ǵylym ministrliginiń habarlaýynsha, 2021 jylǵy 5 aqpan kúni «Ál-Farabi atyndaǵy Qazaq ulttyq ýniversiteti» kommertsiialyq emes aktsionerlik qoǵamynyń Direktorlar keńesi Basqarma tóraǵasy - rektor laýazymyna úmitker bolǵan kandidatýralardy qarastyrdy.
Atalǵan laýazymǵa úmitkerler JOO damytý baǵdarlamalaryn daiyndap, QazUÝ Direktorlar keńesiniń múshelerine tanystyrdy. Nátijesinde konkýrsqa qatysqan birneshe úmitkerdiń ishinen Janar Amangeldiqyzy Temirbekova men Janseiit Qanseiituly Túimebaevtyń kandidatýrasy Respýblikalyq komissiianyń qaraýyna usynyldy.
QR Premer-Ministriniń orynbasary Eraly Toǵjanov tóraǵalyq ótken Respýblikalyq komissiia Direktorlar Keńesi usynǵan kandidattarmen áńgimelesý ótkizip, «Ál-Farabi atyndaǵy Qazaq ulttyq ýniversiteti» kommertsiialyq emes aktsionerlik qoǵamynyń Basqarma tóraǵasy - rektory laýazymyna Janseiit Qanseiituly Túimebaevty tańdady.
Aita keteiik, QazUÝ Direktorlar keńesiniń quramyna táýelsiz direktor retinde Rahman Alshanov, Kúnsulý Zákariia, Nurlan Smaǵulov, Erkin Tátishev, Armanjan Baitasov jáne basqa azamattar kiredi.
Túimebaev Janseiit Qanseiituly 1958 jyly Ońtústik Qazaqstan oblysynda dúniege kelgen.
1980 j. – S. M. Kirov atyndaǵy Qazaq memlekettik ýniversitetin «Filolog» mamandyǵy boiynsha bitirgen.
2000 j. – Máskeý memlekettik áleýmettik ýniversitetiniń zan fakýltetin bitirgen, filologiia ǵylymynyń kandidaty.
1980-1993 jj - Qazaq memlekettik ýniversitetinde oqytýshy, dotsent.
1993-1994 jj. – Qazaqstan Respýblikasy Syrtqy ister ministrliginiń birinshi hatshysy, bólim bastyǵy.
1994-1997 jj. – Qazaqstan Respýblikasynyń Túrkiiadaǵy elshiliginiń ekinshi, birinshi hatshysy.
1997-1999 jj. – Qazaqstan Respýblikasy Prezidenti protokol qyzmetiniń bas sarapshysy, Qazaqstan Respýblikasynyń Ystanbul qalasyndaǵy Bas konsýly.
1999-2004 jj. – QR Prezidenti protokolynyń jetekshisi.
2004-2006 jj. – Qazaqstan Respýblikasy Prezidenti protokolynyń jetekshisi - Qazaqstan Respýblikasy Prezidentiniń keńesshisi.
2006-2007 jj. – QR Resei Federatsiiasyndaǵy tótenshe jáne ókiletti elshisi.
2007-2010 jj. – Qazaqstan Respýblikasynyń Bilim jáne ǵylym ministri.
2010 jyldan – Qazaqstannyń Túrkiiadaǵy tótenshe jáne ókiletti elshisi.
2016 jylǵy 6 qazannan 2018 jyldyń maýsymyna deiin Ońtústik Qazaqstan oblysynyń ákimi.
2018 jyldyń 20 maýsymynan – 2019 jyldyń 28 aqpanyna deiin– Túrkistan oblysynyń ákimi.
2019 jyldyń 28 aqpanynan – Qazaqstan halqy Assambleiasy Tóraǵasynyń orynbasary, Qazaqstan Prezidenti Ákimshiliginiń QHA hatshylyǵynyń basshysy.
Memlekettik nagardalary: «Qurmet» jáne «Parasat» ordenderi, medaldar iesi
