Erteń Dýbaida ótetin boks keshinde jekpe-jekke shyǵýǵa tiis qazaqstandyq kásipqoi boksshy Janqosh Turarov koronavirýs juqtyrýyna bailanysty judyryqtaspaityn boldy, dep habarlaidy "Ult aqparat".
Bul jaiynda sportshy óziniń Instagram paraqshasynda jazdy.
«Ókinishke qarai, búgingi týrnirde óner kórsete almaityn boldym. Bári dúnie júzin jaýlap turǵan koronovirýsqa bailanysty. Dýbaiǵa kelgen kúnnen bastap entigý, temperatýra, murynnyń bitýi, dám sezbeý simptomdary paida boldy. Týrnirge shyǵar aldynda mindettelgen PTR test oń nátije kórsetip, meni qonaq úi nomerinde oqshaýlady. Salmaq ólsheý rásimine shyǵa almaýymnyń sebebi osy boldy» dep jazdy Janqosh Turarov.
Óziniń aitýynsha, ol eshteńege qaramastan nomer ishinde de skakalka sekirip, júgirý arqyly jattyǵýdy toqtatpai, óz formasyn ustap, bekitilgen salmaqqa jetken.
Sóitip oqshaýlanǵan kúide nomer ishinde salmaq ólsheý rásimi ótkizilgen.
«COVID-19 qaitadan PTR ótkizýdi ótindik, ókinishke qarai búgingi nátije taǵy da «oń» kórsetti. Ainalama, qorshaǵan ortama degen jaýapkershilikti sezine otyryp, koronavirýstyń tez juqpaly ekenin eskere otyryp týrnirden shettetildim. Eger dál osy diagnoz bolmaǵanda qazirgi jaǵdaiymmen-aq maǵan 3 raýnd jetkilikti edi. Biraq, amal qansha, barlyǵy bir Allanyń qalaýy. Búkil álemdi dúrliktirip turǵan myna dertten aman bolyńyzdar, aýyrmańyzdar» deidi boksshy.
