ەرتەڭ دۋبايدا ٶتەتٸن بوكس كەشٸندە جەكپە-جەككە شىعۋعا تيٸس قازاقستاندىق كەسٸپقوي بوكسشى جانقوش تۇراروۆ كوروناۆيرۋس جۇقتىرۋىنا بايلانىستى جۇدىرىقتاسپايتىن بولدى, دەپ حابارلايدى "ۇلت اقپارات".
بۇل جايىندا سپورتشى ٶزٸنٸڭ Instagram پاراقشاسىندا جازدى.
«ٶكٸنٸشكە قاراي, بٷگٸنگٸ تۋرنيردە ٶنەر كٶرسەتە المايتىن بولدىم. بەرٸ دٷنيە جٷزٸن جاۋلاپ تۇرعان كورونوۆيرۋسقا بايلانىستى. دۋبايعا كەلگەن كٷننەن باستاپ ەنتٸگۋ, تەمپەراتۋرا, مۇرىننىڭ بٸتۋٸ, دەم سەزبەۋ سيمپتومدارى پايدا بولدى. تۋرنيرگە شىعار الدىندا مٸندەتتەلگەن پتر تەست وڭ نەتيجە كٶرسەتٸپ, مەنٸ قوناق ٷي نومەرٸندە وقشاۋلادى. سالماق ٶلشەۋ رەسٸمٸنە شىعا الماۋىمنىڭ سەبەبٸ وسى بولدى» دەپ جازدى جانقوش تۇراروۆ.
ٶزٸنٸڭ ايتۋىنشا, ول ەشتەڭەگە قاراماستان نومەر ٸشٸندە دە سكاكالكا سەكٸرٸپ, جٷگٸرۋ ارقىلى جاتتىعۋدى توقتاتپاي, ٶز فورماسىن ۇستاپ, بەكٸتٸلگەن سالماققا جەتكەن.
سٶيتٸپ وقشاۋلانعان كٷيدە نومەر ٸشٸندە سالماق ٶلشەۋ رەسٸمٸ ٶتكٸزٸلگەن.
«COVID-19 قايتادان پتر ٶتكٸزۋدٸ ٶتٸندٸك, ٶكٸنٸشكە قاراي بٷگٸنگٸ نەتيجە تاعى دا «وڭ» كٶرسەتتٸ. اينالاما, قورشاعان ورتاما دەگەن جاۋاپكەرشٸلٸكتٸ سەزٸنە وتىرىپ, كوروناۆيرۋستىڭ تەز جۇقپالى ەكەنٸن ەسكەرە وتىرىپ تۋرنيردەن شەتتەتٸلدٸم. ەگەر دەل وسى دياگنوز بولماعاندا قازٸرگٸ جاعدايىممەن-اق ماعان 3 راۋند جەتكٸلٸكتٸ ەدٸ. بٸراق, امال قانشا, بارلىعى بٸر اللانىڭ قالاۋى. بٷكٸل ەلەمدٸ دٷرلٸكتٸرٸپ تۇرعان مىنا دەرتتەن امان بولىڭىزدار, اۋىرماڭىزدار» دەيدٸ بوكسشى.
