Foto: ashyq derekkóz
Orta salmaqtaǵy IBF jáne WBO chempiondyq belbeýleriniń iegeri Jánibek Álimhanuly VADA (Dúniejúzilik dopingke qarsy qaýymdastyq) júrgizgen tekseris kezinde meldonii preparatyna bailanysty oń nátije kórsetken, dep habarlaidy Ult.kz.
Bul aqparatty WBO uiymy da rastady. Uiym ókilderi qazirgi tańda ishki tekseris júrip jatqanyn, al resmi qorytyndy shyqpaiynsha qosymsha aqparat berilmeitinin málimdedi.
Osy jaǵdaidan keiin boksshynyń osy senbige josparlanǵan Erislandi Laramen jekpe-jegi ótpeýi múmkin. Bul kezdesýde úsh chempiondyq belbeý sarapqa salynýy tiis bolǵan.
Sportshynyń ózi taza sportty nasihattap júrgenin, birinshi taldama taza shyqqannyn aitty.
«Men árqashan taza sportty qoldaimyn. Muny jaqsy bilesizder. Men taza sportty nasihattap júrgenimdi de bilesizder. Jańalyqty oqyp, tańǵalyp otyrmyn. VADA birinshi ret analiz alyp, bári taza dep edi. Men vitaminderime de, tamaǵyma da eshqandai ózgeris engizbedim. Ekinshi ret testte nege mundai bolǵanyn túsinbei otyrmyn, biz qaita analiz tapsyrýǵa ótinish aittyq. Jaýabyn kútip otyrmyz», - dep jazdy boksshy jelidegi paraqshasynda.
