WBO nusqasy boiynsha orta salmaqtaǵy álem chempiony Jánibek Álimhanulyna (13-0, 8 KO) ringke shyǵýǵa ýaqytsha shekteý qoiyldy, dep habarlaidy QazAqparat agenttigi Sports.kz portalyna silteme jasap.
Álimhanuly 13 qarashada Las-Vegasta britandyq Denzel Bentlimen (17-2-1, 14 KO) jekpe-jek ótkizip, chempiondyq ataǵyn qorǵaǵan edi. Kezdesý tóreshilerdiń biraýyzdy sheshimimen qazaqstandyq boksshynyń jeńisimen aiaqtaldy.
Jekpe-jekten keiin Nevada shtatynyń Atletika komissiiasy boksshylarǵa shekteý qoidy. Sonymen, Álimhanulyna osy jyldyń 13 jeltoqsanyna deiin jekpe-jek ótkizýge resmi túrde tyiym salyndy, al Bentli sharshy alańǵa kelesi aidyń 28-inen buryn shyǵa almaidy. Bul shara meditsinalyq sipatqa ie jáne boksshylardyń durys qalpyna kelýine baǵyttalǵan.
Eske salaiyq, Dúniejúzilik boks uiymy (WBO) Álimhanuly Bentlidi jeńgen jaǵdaida oǵan meksikalyq Haime Mýngiiamen jekpe-jek ótkizýdi mindettegen bolatyn.
Endi «Qazaq style» laqap atymen tanymal boksshymyz H.Mýngiia komandasynan jaýap kútip júr.
