Foto:instagram.com/janibek_alimkhanuly
Búkilálemdik boks uiymy (WBO) Jánibek Álimhanuly (11-0, 7 KO) men ulybritaniialyq Denni Digným (14-0-1, 8 KO) arasyndaǵy titýldyq jekpe-jektiń sharttaryn jariialady, - dep habarlaidy Tengrinews.kz agenttigi Vesti.kz saityna silteme jasap.
WBO tujyrymy boiynsha ýaqytsha álem chempiony titýly úshin ótetin jekpe-jek keshi 22 mamyrǵa josparlanǵan. Kezdesý Las-Vegasta ótedi. Qazaqstanda jekpe-jekti tikelei efirde "Habar" arnasy kórsetedi.
Uiymnyń sheshimi boiynsha, Álimhanuly Dignýmdy jeńse, tolyqqandy álem chempiony bolady.
WBO 2022 jylǵy 21 mamyrda Las-Vegasta (AQSh, Nevada shtaty) ótetin Jánibek Álimhanuly men Denni Digným arasyndaǵy orta salmaqtaǵy aralyq chempion ataǵy úshin jekpe-jektiń sharttaryn habarlady.
Bul jekpe-jektiń jeńimpazy 180 kún ishinde myna áreketterdi jasaýy kerek:
- jeńimpaz daiyn bolsa, orta salmaqtaǵy WBO chempionymen kezdesý ótkizedi. WBO 30 kúndik kelissózder kezeńin ornatady;
- eger orta salmaqtaǵy WBO chempiony meditsinalyq ne fizikalyq turǵydan daiyn bolmasa, osy qujatta qarastyrylǵan merzimde kezdesý ótkizý múmkin bolmasa, orta salmaqtaǵy WBO chempiony ataǵynan aiyrylady.
WBO chempiondy reitingte birinshi orynǵa qoiýdy usynady, sondyqtan "ýaqytsha" chempion álemdik ataqtyń tolyq iegeri bolady.
