فوتو:instagram.com/janibek_alimkhanuly
بٷكٸلەلەمدٸك بوكس ۇيىمى (WBO) جەنٸبەك ەلٸمحانۇلى (11-0, 7 كو) مەن ۇلىبريتانييالىق دەنني ديگنۋم (14-0-1, 8 KO) اراسىنداعى تيتۋلدىق جەكپە-جەكتٸڭ شارتتارىن جارييالادى, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
WBO تۇجىرىمى بويىنشا ۋاقىتشا ەلەم چەمپيونى تيتۋلى ٷشٸن ٶتەتٸن جەكپە-جەك كەشٸ 22 مامىرعا جوسپارلانعان. كەزدەسۋ لاس-ۆەگاستا ٶتەدٸ. قازاقستاندا جەكپە-جەكتٸ تٸكەلەي ەفيردە "حابار" ارناسى كٶرسەتەدٸ.
ۇيىمنىڭ شەشٸمٸ بويىنشا, ەلٸمحانۇلى ديگنۋمدى جەڭسە, تولىققاندى ەلەم چەمپيونى بولادى.
WBO 2022 جىلعى 21 مامىردا لاس-ۆەگاستا (اقش, نەۆادا شتاتى) ٶتەتٸن جەنٸبەك ەلٸمحانۇلى مەن دەنني ديگنۋم اراسىنداعى ورتا سالماقتاعى ارالىق چەمپيون اتاعى ٷشٸن جەكپە-جەكتٸڭ شارتتارىن حابارلادى.
بۇل جەكپە-جەكتٸڭ جەڭٸمپازى 180 كٷن ٸشٸندە مىنا ەرەكەتتەردٸ جاساۋى كەرەك:
- جەڭٸمپاز دايىن بولسا, ورتا سالماقتاعى WBO چەمپيونىمەن كەزدەسۋ ٶتكٸزەدٸ. WBO 30 كٷندٸك كەلٸسسٶزدەر كەزەڭٸن ورناتادى;
- ەگەر ورتا سالماقتاعى WBO چەمپيونى مەديتسينالىق نە فيزيكالىق تۇرعىدان دايىن بولماسا, وسى قۇجاتتا قاراستىرىلعان مەرزٸمدە كەزدەسۋ ٶتكٸزۋ مٷمكٸن بولماسا, ورتا سالماقتاعى WBO چەمپيونى اتاعىنان ايىرىلادى.
WBO چەمپيوندى رەيتينگتە بٸرٸنشٸ ورىنعا قويۋدى ۇسىنادى, سوندىقتان "ۋاقىتشا" چەمپيون ەلەمدٸك اتاقتىڭ تولىق يەگەرٸ بولادى.
