Orta salmaqtaǵy WBO belbeýiniń iegeri Jánibek Álimhanulynyń menedjeri Berik Sultan óziniń youtube-arnasynda sportshynyń jekpe-jekke deiin alǵan jaraqaty týraly aitty, dep habarlaidy QazAqparat.
«Aiqasqa eki apta ýaqyt qaldy. Osy jekpe-jek bolmai qalady-aý dep ýaiymdadym. Sparring kezinde Jánibek baýyrdan soqqy jasaý barysynda sol qolynyń saýsaǵyn qatty jaraqattap aldy. «Boldy, saýsaǵy syndy ǵoi» dep oiladym. Óitkeni biz AQSh-qa alǵash ret kelgende, búiirden urǵan kezde, týra sol jerin syndyrǵan bolatyn, biz oǵan jeti myń dollarǵa ota jasattyq. Men jekpe-jektiń bolmaitynyna 95%-ǵa senimdi boldym, tórt ai boiy biz AQSh-ta boldyq kóp jumys isteldi, qanshama ter tóktik, jekpe-jek kúzge aýysady-aý dep oiladym. Biraq qoly synbaǵan, sál aýyrtyp alǵan», — dedi menedjer Jánibek týraly derekti filmde.
Eske sala keteiik, Jánibek Álimhanuly 22 mamyr kúni britandyq sportshy Denni Dignýmdy nokaýtqa jiberip, orta salmaqta WBO titýlyn ielengen bolatyn.
