Qazaqstandyq orta salmaqtaǵy kásipqoi boksshy Jánibek Álimhanuly (9-0, 5 KO) 27 aqpanda Almatyda ótetin boks keshine qatyspaidy, dep habarlaidy Sports.kz saity.
Sportshynyń komandasy málimdegendei, Jánibek jattyǵý kezinde jaraqat alyp, jarystan shyqty. Endi qazaqstandyqtyń ringke oralýy kóktemniń sońynda nemese jazdyń basynda bolady dep kútilýde.
Jánibek Álimhanulynyń aqpan aiyndaǵy jekpe-jegi boiynsha qarsylasy ázirge belgisiz.
Eske salsaq, Jánibek Álimhanuly Amerikada jattyǵyp jatqan bolatyn.
Ol orta salmaqtaǵy WBO Global chempiony. Sońǵy jekpe-jegin qyrkúiek aiynda ótkizgen. Ol kezde argentinalyq boksshy Gonsalo Koriiany (16-4, 6 KO) ekinshi raýndta nokaýtqa túsirdi.
