Orta salmaqtaǵy qazaqstandyq boksshy Jánibek Álimhanuly (8-0, 4 KO) Las-Vegasqa jetti. Ol 10 qazan kúni tańerteń argentinalyq Gonsalo Koriaǵa qarsy aiqas ótkizip, WBO Global jáne WBC Continental Americas titýldaryn qorǵaidy, dep habarlaidy Sports.kz portaly.
«Biz qazaqstandyq stildi kórsetý úshin Las-Vegasqa keldik. Erteń salmaq ólsheý rásimi bolady. Biz daiynbyz!», - dep jazdy Jánibek Twitter paraqshasyna.
Álimhanuly óziniń eń sońǵy jekpe-jegin 2019 jyldyń qarashasynda Nigeriianyń týmasy, kanadalyq Alberto Onolýnosege (24-3-1, 8 KO) qarsy ótkizip, altynshy raýndta qarsylasyn nokaýtqa jibergen bolatyn. Koriia 2019 jyldyń maýsymynan beri ringke shyqpaǵan.
Keiingi aiqasynda tóreshilerdiń biraýyzdy sheshimimen meksikalyq Markos Reiesti (37-8, 28 KO) jeńgen edi.
