ورتا سالماقتاعى قازاقستاندىق بوكسشى جەنٸبەك ەلٸمحانۇلى (8-0, 4 كو) لاس-ۆەگاسقا جەتتٸ. ول 10 قازان كٷنٸ تاڭەرتەڭ ارگەنتينالىق گونسالو كورياعا قارسى ايقاس ٶتكٸزٸپ, WBO Global جەنە WBC Continental Americas تيتۋلدارىن قورعايدى, دەپ حابارلايدى Sports.kz پورتالى.
«بٸز قازاقستاندىق ستيلدٸ كٶرسەتۋ ٷشٸن لاس-ۆەگاسقا كەلدٸك. ەرتەڭ سالماق ٶلشەۋ رەسٸمٸ بولادى. بٸز دايىنبىز!», - دەپ جازدى جەنٸبەك Twitter پاراقشاسىنا.
ەلٸمحانۇلى ٶزٸنٸڭ ەڭ سوڭعى جەكپە-جەگٸن 2019 جىلدىڭ قاراشاسىندا نيگەرييانىڭ تۋماسى, كانادالىق البەرتو ونولۋنوسەگە (24-3-1, 8 كو) قارسى ٶتكٸزٸپ, التىنشى راۋندتا قارسىلاسىن نوكاۋتقا جٸبەرگەن بولاتىن. كورييا 2019 جىلدىڭ ماۋسىمىنان بەرٸ رينگكە شىقپاعان.
كەيٸنگٸ ايقاسىندا تٶرەشٸلەردٸڭ بٸراۋىزدى شەشٸمٸمەن مەكسيكالىق ماركوس رەيەستٸ (37-8, 28 كو) جەڭگەن ەدٸ.
