Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin Ramazan aiy qarsańynda megapolis turǵyndaryna úndeý jasady, dep habarlaidy "Ult aqparat".
«Biz qasietti Ramazan aiynyń qarsańynda úndeý joldap jatyrmyz. Esterińizde me, byltyr aýyzashar kezinde koronavirýs infektsiiasyn juqtyrǵandardyń sany artqan bolatyn. Osyny eskerip biylǵy Ramazan aiynda bizdiń azamattarymyz ujymdyq is-sharalardy, sonyń ishinde úige qonaq shaqyrýdy azaitýlaryn suraimyz», - dedi ol.
Eske salaiyq, Almatyda shekteýli karantindik sharalar jeńildetildi. Saýda ortalyǵy men bazarlarǵa jumys kúnderi jumys isteýge ruqsat berildi. Bul týraly qalanyń bas memlekettik sanitarlyq dárigeri Jandarbek Bekshinniń qaýlysynda jazylǵan.
