Almaty qalasynyń bas memlekettik sanitar dárigeri Jandarbek Bekshin almatylyqtardy shet elge shyqpaýǵa jáne qoǵamdyq kólikterge meiilinshe otyrmaýǵa shaqyrdy, dep habarlaidy "Ult aqparat".
«Koronaviýrsty yqtimal ekinshi tolqynyna bailanysty standartty saqtyq sharalaryn elemeýge bolmaidy, iaǵni qonaq shaqyrýǵa, jappai otbasylyq is-sharalar ótkizýge, adamdar kóp jinalatyn jerge barýdan aýlaq bolǵan jón. Qoǵamdyq kólikterge shuǵyl bolmasa otyrmaýǵa jáne shet elderge qajettilik týyndamasa shyqpaýǵa shaqyramyn. Otabasyndaǵy egde jastaǵy adamdar men kishkentai balalardy qorǵaýǵa keńes beremin», – dedi Jandarbek Bekshin.
Sonymen qatar, ol JRVI juqtyrǵan jaǵdaida óz betinshe emdelmeý kerektigin eskertti.
«Eger sýyq tiiýdiń belgilerin baiqasańyz, otbasy múshelerinen oqshaýlanyńyz jáne dárigerlerdi shaqyryp, meditsinalyq kómekke júginińiz», – dedi ol.
