Almaty qalasynyń bes myń turǵynyna júrgizgen zertteý koronavirýstyq infektsiiaǵa qarsy ujymdyq immýnitettiń qalada 55-56% deńgeiinde qalyptasqanyn kórsetti. Bul týraly onlain brifing barysynda Jandarbek Bekshin aitty, dep habarlaidy QazAqparat.
Zertteýdi sanitariialyq-epidemiologiialyq saraptama jáne monitoring ǵylymi-praktikalyq ortalyǵy júrgizýde. Jandarbek Bekshinniń aitýynsha, kezdeisoq irikteý arqyly 5 myń adam tekserildi, onyń nátijesi boiynsha ujymdyq immýnitet 55-56% deńgeiinde degen qorytyndy jasaldy.
«Alaida, bul tolyq jáne dál qorytyndy shyǵarý úshin jetkiliksiz. Jumys jalǵasýda», - dedi ol.
Buǵan deiin Jandarbek Bekshin Almatydaǵy epidemiologiialyq jaǵdaidyń kúrdeli ekenin aitqan bolatyn.
