Almatynyń bas sanitarlyq dárigeri Jandarbek Bekshin qala turǵyndaryna adam toly avtobýstarǵa otyrmaýǵa keńes berdi, dep habarlaidy "Ult aqparat".
Qoǵamdyq kólikter halyqty oryndyqtarǵa otyrǵyzyp qana tasymaldaýy kerektigi týraly qaýly saqtalmai jatqanyn onlain brifing barysynda jýrnalister aitty.
«Ia, bul qaýlyny saqtaý qiyn bolyp tur. Kondýktorlar joq bolǵandyqtan, bul protsesti retteý ońai emes. Avtobýstar jolaýshylardy toltyryp alyp júrmeýi kerek. Jolaýshylardan adam toly avtobýsqa minbeýdi suraimyz. Qoǵamdyq kólikte otyratyn oryn sanynan artyq adam bolmaýy kerek», - dedi ol.
Bas sanitarlyq dáriger karantin sharalarynyń saqtalýyn politsiia baqylaitynyn eskertti.
«Jolaýshylar ózderi qashyqtyq saqtaýy kerek. Avtobýs júrgizýshilerine talapty oryndaý óte qiyn. Sondyqtan, biz jolaýshylardyń túsinistigine senemiz», - dedi ol.
