الماتىنىڭ باس سانيتارلىق دەرٸگەرٸ جانداربەك بەكشين قالا تۇرعىندارىنا ادام تولى اۆتوبۋستارعا وتىرماۋعا كەڭەس بەردٸ, دەپ حابارلايدى "ۇلت اقپارات".
قوعامدىق كٶلٸكتەر حالىقتى ورىندىقتارعا وتىرعىزىپ قانا تاسىمالداۋى كەرەكتٸگٸ تۋرالى قاۋلى ساقتالماي جاتقانىن ونلاين بريفينگ بارىسىندا جۋرناليستەر ايتتى.
«يا, بۇل قاۋلىنى ساقتاۋ قيىن بولىپ تۇر. كوندۋكتورلار جوق بولعاندىقتان, بۇل پروتسەستٸ رەتتەۋ وڭاي ەمەس. اۆتوبۋستار جولاۋشىلاردى تولتىرىپ الىپ جٷرمەۋٸ كەرەك. جولاۋشىلاردان ادام تولى اۆتوبۋسقا مٸنبەۋدٸ سۇرايمىز. قوعامدىق كٶلٸكتە وتىراتىن ورىن سانىنان ارتىق ادام بولماۋى كەرەك», - دەدٸ ول.
باس سانيتارلىق دەرٸگەر كارانتين شارالارىنىڭ ساقتالۋىن پوليتسييا باقىلايتىنىن ەسكەرتتٸ.
«جولاۋشىلار ٶزدەرٸ قاشىقتىق ساقتاۋى كەرەك. اۆتوبۋس جٷرگٸزۋشٸلەرٸنە تالاپتى ورىنداۋ ٶتە قيىن. سوندىقتان, بٸز جولاۋشىلاردىڭ تٷسٸنٸستٸگٸنە سەنەمٸز», - دەدٸ ول.
