Jańbyr kezinde baspanasy qiraǵan Shymkenttiń kópbalaly turǵyny Gaýhar Abdrahimovanyń otbasyna ýaqytsha baspana berildi, - dep habarlaidy Tengrinews.kz tilshisi.
Ákimdik málimetinshe, zardap shekken áiel men onyń segiz balasy jáne eki nemeresine ýaqytsha baspana berildi. Ony demeýshiler esebinen jalǵa alǵan.
Sonymen qatar, Abai aýdanynyń ákimdigi men qalalyq máslihattyń "Aýyl" fraktsiiasynyń depýtaty Qýanysh Dáýletaliev kómir, azyq-túlik, balalarǵa kiim ákeldi.
Qalalyq ákimdiktiń málimetinshe, kópbalaly otbasyǵa materialdyq kómek aldaǵy ýaqytta da kórsetiledi. Oǵan qosa, áiel turǵyn úi alýǵa kezekke qoiylady.
Eske salaiyq, 18 naýryzda Shymkent qalasy Abai aýdanynyń "Aqjar" shaǵynaýdanynda uzaq ýaqyt jaýǵan jańbyrdan kópbalaly ana Gaýhar Ábdirahymovanyń jalǵa alyp otyrǵan baspanasy qirap qalǵan edi.
