Jańbyr saldarynan Shymkent kóshelerin sý bacty, dep habarlaidy QazAqparat.
Túnnen beri jaýǵan jańbyr saldarynan Shymkent kóshelerin sý basyp jatyr. Qalalyq tótenshe jaǵdai qyzmetiniń málimetinshe, biryńǵai kezekshilik-dispetcherlik ortalyǵyna qala turǵyndarynan 7 mekenjai boiynsha 70 habarlama túsken. Jańbyrdyń sýynan Abai jáne Ál-Farabi aýdandaryndaǵy kósheler sýǵa tolǵan.
Túngi saǵat 00.45-ten avariialyq-qutqarý jumystary júrgizilip, qazirgi tańda 200 tekshe metr sý shyǵaryldy. Oqiǵa ornynda Shymkent qalasy Tótenshe jaǵdai departamentiniń órt sóndirý jáne avariialyq-qutqarý jumystary qyzmetiniń jeke quramynan 23 adam, 7 tehnika, 7 motopompa jumys istep jatyr.
«Qazgidromettiń málimetinshe, Shymkentte 26 qazanda qatty jańbyr jaýyp, jel turatyny týraly eskertildi. Jalpy sý basý saldaryn joiýǵa Tótenshe jaǵdai departamentiniń 167 mamany, 17 tehnikasy, 4 qaiyq, 39 motopompa daiyndyqqa keltirildi» - delingen Shymkent qalasy TJD qoǵammen bailanys toby taratqan aqparatta.
