«Halyqaralyq baǵdarlamalar ortalyǵy» AQ-nyń basshysy Janbolat Meldeshov qyzmettik mindetterin oryndaýdan ýaqytsha shettetildi, dep habarlaidy QR Bilim jáne ǵylym ministrliginiń baspasóz qyzmeti.
Sputnik.kz jáne Nur.kz aqparattyq portaldarynda «Halyqaralyq baǵdarlamalar ortalyǵy» AQ-nyń bir top qyzmetkeriniń ortalyq basshysy Janbolat Meldeshovtiń tarapynan zańǵa qaishy áreket jasalǵany jáne dórekilik tanytqany jóninde shaǵymdanǵany týraly aqparat jariialandy.
Ministrliktiń baspasóz qyzmeti «Halyqaralyq baǵdarlamalar ortalyǵy» AQ qyzmetkerleriniń shaǵymyna bailanysty keshendi qyzmettik tekseris ótkiziletindigin habarlady.
QR Bilim jáne ǵylym ministrliginiń №85-K 2017 jyldyń 23 mamyrdaǵy buiryǵy boiynsha HBO Prezidenti Janbolat Meldeshov óziniń qyzmettik mindetterin oryndaýdan ýaqytsha shettetildi.
Tekseris nátijeleri anyqtalǵansha HBO basshysynyń mindetterin ortalyqtyń vitse-prezidenti Meiirjan Alpyspai atqarady.
