Sýret: Jambyl oblysy ákimdiginiń baspasóz qyzmeti
Sarysý aýdanynda tótenshe jaǵdai saldaryn joiý boiynsha jumystar qyzý atqarylyp jatyr, dep habarlaidy Jambyl oblysy ákimdiginiń baspasóz qyzmeti.
Oblys ákimi Nurjan Nurjigitov aýdanǵa jumys saparymen baryp, jaýaptylarǵa eń aldymen Jańatas qalasyna elektr energiiasyn jáne jylý berý máselesin jedel sheshýdi tapsyrǵan bolatyn. Soǵan sáikes atqarylǵan jumystardyń nátijesinde buǵan deiin qalaǵa elektr energiiasy berilgen desek, endi jylýmen qamtý sharalary júzege asa bastaǵan.
Qazirgi tańda «JańataSýJylý» MKK jylýmen jabdyqtaý júielerine sý toltyrý, jeke generatorlarynyń qýaty ainalym-sorǵylarynyń qyzmetin qalypqa keltirý jumystary qyzý jalǵasyp jatyr. Osyǵan orai qalaǵa jylý berý kezeń-kezeńimen iske asyp, bir táýlikte tolyǵymen jylýǵa qosylady dep josparlanýda.
Eske sala keteiik, buǵan deiin oryn alǵan qatty daýyl saldarynan Jańatas qalasyndaǵy elektr baǵanalary qulap, elektr jelilerin tiisti kerneýdi taratýda kedergi týyndaǵan. Soǵan bailanysty «JańataSýJylý» MKK jumysyn toqtatýǵa májbúr bolyp, jylýmen jabdyqtaý júiesinen sýdy aǵyzý týraly sheshim qabyldanǵan bolatyn.
