سۋرەت: جامبىل وبلىسى ەكٸمدٸگٸنٸڭ باسپاسٶز قىزمەتٸ
سارىسۋ اۋدانىندا تٶتەنشە جاعداي سالدارىن جويۋ بويىنشا جۇمىستار قىزۋ اتقارىلىپ جاتىر, دەپ حابارلايدى جامبىل وبلىسى ەكٸمدٸگٸنٸڭ باسپاسٶز قىزمەتٸ.
وبلىس ەكٸمٸ نۇرجان نۇرجٸگٸتوۆ اۋدانعا جۇمىس ساپارىمەن بارىپ, جاۋاپتىلارعا ەڭ الدىمەن جاڭاتاس قالاسىنا ەلەكتر ەنەرگيياسىن جەنە جىلۋ بەرۋ مەسەلەسٸن جەدەل شەشۋدٸ تاپسىرعان بولاتىن. سوعان سەيكەس اتقارىلعان جۇمىستاردىڭ نەتيجەسٸندە بۇعان دەيٸن قالاعا ەلەكتر ەنەرگيياسى بەرٸلگەن دەسەك, ەندٸ جىلۋمەن قامتۋ شارالارى جٷزەگە اسا باستاعان.
قازٸرگٸ تاڭدا «جاڭاتاسۋجىلۋ» مكك جىلۋمەن جابدىقتاۋ جٷيەلەرٸنە سۋ تولتىرۋ, جەكە گەنەراتورلارىنىڭ قۋاتى اينالىم-سورعىلارىنىڭ قىزمەتٸن قالىپقا كەلتٸرۋ جۇمىستارى قىزۋ جالعاسىپ جاتىر. وسىعان وراي قالاعا جىلۋ بەرۋ كەزەڭ-كەزەڭٸمەن ٸسكە اسىپ, بٸر تەۋلٸكتە تولىعىمەن جىلۋعا قوسىلادى دەپ جوسپارلانۋدا.
ەسكە سالا كەتەيٸك, بۇعان دەيٸن ورىن العان قاتتى داۋىل سالدارىنان جاڭاتاس قالاسىنداعى ەلەكتر باعانالارى قۇلاپ, ەلەكتر جەلٸلەرٸن تيٸستٸ كەرنەۋدٸ تاراتۋدا كەدەرگٸ تۋىنداعان. سوعان بايلانىستى «جاڭاتاسۋجىلۋ» مكك جۇمىسىن توقتاتۋعا مەجبٷر بولىپ, جىلۋمەن جابدىقتاۋ جٷيەسٸنەن سۋدى اعىزۋ تۋرالى شەشٸم قابىلدانعان بولاتىن.
