Jambyl oblysy Jańatas qalasyndaǵy órt saldarynan japa shekken otbasyǵa páter berildi, dep habarlaidy "Ult aqparat".
Memleket basshysynyń tapsyrmasyna sáikes, Jańatas qalasyndaǵy órt saldarynan marqum bolǵan balalardyń ata-anasyna Jambyl oblysynyń ákimdigi tarapynan jan-jaqty materialdyq, psihologiialyq, dárigerlik qoldaý kórsetý sharalary qolǵa alynǵan.
«Máselen, jerleý rásimin uiymdastyrýdy jergilikti atqarýshy organdar óz moinyna aldy. Sondai-aq, balalardyń ata-anasyna demeýshiler esebinen Jańatas qalasynan 3 bólmeli páter berildi, al Sarysý aýdanynyń kásipkerleri baspanaǵa qajetti jihaz ben tehnika alyp berdi. Qoǵamdyq uiymdar, demeýshilermen 3 mln teńgeden astam qarjy jinalyp, materialdyq kómek kórsetildi»,-delingen oblys ákiminiń baspasóz qyzmetiniń habarlamasynda.
Budan bólek, memlekettik qyzmetkerler bir kúndik jalaqysyn kómek retinde joldaityn boldy.
