Sýret: pxhere
Jambyl oblysynyń Jańatas qalasynda aýa raiynyń qolaisyzdyǵyna bailanysty tótenshe jaǵdai rejimi engizildi. Qala jaryq pen jylýsyz qaldy.
Jańatas qalasy men Sarysý aýdanynda ekpini 30 m/s bolatyn qatty jel soqqan.
«"JańatasSýJylý" MKK jeke generatorlarynyń qýaty ainalym-sorǵylarynyń jumysy úshin jetkiliksiz bolyp tur. Daýyl saldarynan Jańatas qalasyndaǵy shamamen 20 elektr baǵanasy qulady. Jeldiń joǵary jyldamdyǵy olardy qalypqa keltirýge múmkindik bermei tur. Baǵanalardyń qulaýyna bailanysty "JES" AQ elektr jelileri tiisti kerneýdi tarata almai jatyr», - dep habarlady Jambyl oblysynyń ákimdigi.
"Shahan" qosalqy stantsiiasynda tiisti qondyrǵynyń salqyndaýy oryn alǵan. Jańatas qalasyndaǵy jylý júiesindegi sýdy aǵyzý týraly sheshim qabyldanǵan.
Jergilikti biliktiń uiymdastyrýymen úsh mektepte jylytý pýnktteri daiyndalyp, turǵyndar ystyq tamaqpen qamtylyp jatyr.
Jambyl oblysynyń ákimi Nurjan Nurjigitovtiń tapsyrmasymen jedel shtab qurylyp, jumys istep jatyr. Jumys tobyna jergilikti bilik, tótenshe jaǵdai qyzmeti, energetika jáne ózge de sala mamandary endi.
