سۋرەت: pxhere
جامبىل وبلىسىنىڭ جاڭاتاس قالاسىندا اۋا رايىنىڭ قولايسىزدىعىنا بايلانىستى تٶتەنشە جاعداي رەجيمٸ ەنگٸزٸلدٸ. قالا جارىق پەن جىلۋسىز قالدى.
جاڭاتاس قالاسى مەن سارىسۋ اۋدانىندا ەكپٸنٸ 30 م/س بولاتىن قاتتى جەل سوققان.
«"جاڭاتاسسۋجىلۋ" مكك جەكە گەنەراتورلارىنىڭ قۋاتى اينالىم-سورعىلارىنىڭ جۇمىسى ٷشٸن جەتكٸلٸكسٸز بولىپ تۇر. داۋىل سالدارىنان جاڭاتاس قالاسىنداعى شامامەن 20 ەلەكتر باعاناسى قۇلادى. جەلدٸڭ جوعارى جىلدامدىعى ولاردى قالىپقا كەلتٸرۋگە مٷمكٸندٸك بەرمەي تۇر. باعانالاردىڭ قۇلاۋىنا بايلانىستى "جەس" اق ەلەكتر جەلٸلەرٸ تيٸستٸ كەرنەۋدٸ تاراتا الماي جاتىر», - دەپ حابارلادى جامبىل وبلىسىنىڭ ەكٸمدٸگٸ.
"شاحان" قوسالقى ستانتسيياسىندا تيٸستٸ قوندىرعىنىڭ سالقىنداۋى ورىن العان. جاڭاتاس قالاسىنداعى جىلۋ جٷيەسٸندەگٸ سۋدى اعىزۋ تۋرالى شەشٸم قابىلدانعان.
جەرگٸلٸكتٸ بيلٸكتٸڭ ۇيىمداستىرۋىمەن ٷش مەكتەپتە جىلىتۋ پۋنكتتەرٸ دايىندالىپ, تۇرعىندار ىستىق تاماقپەن قامتىلىپ جاتىر.
جامبىل وبلىسىنىڭ ەكٸمٸ نۇرجان نۇرجٸگٸتوۆتٸڭ تاپسىرماسىمەن جەدەل شتاب قۇرىلىپ, جۇمىس ٸستەپ جاتىر. جۇمىس توبىنا جەرگٸلٸكتٸ بيلٸك, تٶتەنشە جاعداي قىزمەتٸ, ەنەرگەتيكا جەنە ٶزگە دە سالا ماماندارى ەندٸ.
