Tanymal jas aqyn Janat Jańqashulynyń bir top jańa óleńin oqyrman nazaryna usynamyz.
***
BORAN
(Etiýd)
Boran,
Shyr ainalmai qoia tur, dóńgelenbei,
Úiimdegi men súigen meńdi óleńdei --
Yńyldaisyń ishińnen,
Ózińdi óziń,
Ədemi bir əýenmen emdegendei.
Burqasynmen burqyldap,
Bula kúnim,
Jylaǵyń kelse osylai jyla kúnim.
Yzyńdaǵan boranǵa selt etpeitin,
Qulyq eti -
Qurysh er qulaǵynyń.
Nan basyp, únsiz əiel,
Un boraidy,
Janyńdy jel julymdap muńǵa oraidy.
Aq tútek un boraǵan bólme ishinen,
Qoralanyp kóńilsiz kún qaraidy.
Kóp əýenniń sózi joq, yńyl búgin,
Tóske salǵan temirdei syǵyldy únim.
Aq qamyrdan ashýyn alyp jatyr,
Túrip tastap dúnie shymyldyǵyn.
Ashylmaǵan alapat siqyr əli,
Əiel aitqan yńyldap kúi tynady.
Erteń, erteń uiyǵan ýyz dala,
Jatady únsiz,
Əieldei uiqydaǵy.
09.02.2017 j
QIIaMET
Túsimde,
Ysrafil súr úrlep,
Ketti mynaý jer-dúnie dúbirlep.
Taý qulady,
Kəri aǵashtar tamyrymen atyp turdy,
Adam qusap kúbirlep.
Aǵyndy sý toqtap qaldy,
Jel de tynysh.
Súr úni...
Janartaýlar atqylady,
Jelbiregen tulymy.
Jerden ósip,
Kórden shyǵyp kele jatty,
Qańqa súiek julyny.
Duǵa oqýdy oilap bir sət bulqyndym,
Oqi almai qylqyndym.
Qiiamette qiyn shyǵar jaǵdaiym,
Saǵan qul bop óttim be eken qulqyn kún?!
Kók qaqyrap,
Jer dirildep,
Tuldandy,
Ýa, Təńiri, qinamai al bul jandy.
Ómir buǵan tókken kúldei surlandy,
Bul da ómirde qylatynyn qylǵan-dy.
Qas-qaǵym sət,
Kórden turǵan arýaqtar ańyrap,
Adamzattan aýyp túsip taǵy baq -
Qiiamet kún tur ekenbiz,
Men kitap qushaqtap,
Biraz aqyn medal, orden taǵyp ap.
Ýa, Təńiri,
Tuldanǵanda jeti qat jer,
Jeti kók,
Kempirqosaǵym setinep.
Kúnəm tóbemnen jaýyp tur,
Ot bolyp janyp eki bet!
Ýaqyt toqtady,
Ýaqi sarqyldy...
Muhittar tartyldy.
Qarǵalar tún qusap túnerip otyrdy,
Tyia sap qarqyldy.
Men shoshyp oiandym...
Egildim.
Shekesinen maǵan qarap shegir kún,
Tań atyp keledi,
Túnmen ket,
Summen ket,
Qummen ket,
Jaman tús jebir muń!
25.02.2017 j
MEN – JAÝAR BULT
Men -
Keýdesin jasyn qyjyldatqan,
Zil batpan,
Jaýar bult.
Túnerip kep, túmen-túmen túrkidei,
Kóz jasymdy kól ústine búrkimei,
Shólge quisam dep edim,
Shóbi shókken kirpidei.
Jasynymmen jəi túsirip,
Jarq etkende janarym,
Kóńili ala aǵanyń,
Qozdap jatqan shalanyń,
Tóbesinen kúrkiresem dep edim,
Sirkiresem dep edim.
Men – jaýar bult,
Jaýmai bir ketpen shólge kep,
Keýdesin jalap kermek ot,
Býyrqanǵan býradai,
Bylsh etkizip burshaq túkirsem,
Jyn jailaǵan jerge kep.
Nóser bop quiam,
Men solai jaýam meldetip,
Saǵynǵan eldiń terezelerin terletip.
Bultqa ainalǵan júregimdi syǵymdap,
Men solai jaýam,
Pendeniń bárin sherli etip.
Men – jaýar bult,
Jyrymnan jańbyr sebezde,
Kúrkirep turyp kúlermin,
Kóp ezge.
Kúrkirep turyp kúlermin kókten kep,
Ólermen óńsheń óńezge!
***
Juldyzdardy jutyp alyp tańsərim,
Kómeiinen kún shyǵyp...
Men túnektiń əýeninen sharshadym,
Aita almaityn tunshyǵyp.
Kólbaqa da kerip salyp əýkesin,
Opera aitqan siqy əni...
Qap-qara tún sholp-sholp emip taý tósin,
Shymyrlatty-aý quiqany.
It kemirip aqjem bolǵan jiliktei,
Myj-myj myna ókshemen.
Silekeiinen syrǵanaq tepken súliktei,
Bir iz salam dep senem.
Sýretshidei kókti sipap qanaty,
Perishteden túsken əlem hat alsa.
Úsh júz alpys kúndegi bir tań aty,
Ne bolady, esimimmen atalsa?
Óler edi qyzǵanyshtan,
Biraz aqyn qapaly.
...Kametasy muzdap ushqan,
Olar túnniń úmmetine jatady.
Al men tańmyn!
Ań-tańmyn men bularǵa,
Óleń-jyrmen ot órip.
O, sorlylyq,
Shyńǵa bitken shynarǵa,
Saryǵysy keledi,
Qý siraǵyn kóterip.
05.05.2017 j
***
...Ólimnen emes, ómirden qatty qorqamyn,
Bulǵań sózderden buǵyp ap keide jortamyn.
Lastyǵyn kórdim,
Qastyǵyn da kórdim men,
Ədemi deitin ədebi osy ortanyń.
Ólimnen emes, ómirden qazir qorqamyn.
Ólimniń emes, ómirdiń óńi túnergen,
Keshirmeidi eshkim qatelikterdi jibergen.
Adamdy kórdim,
Nadandy taǵy kórdim men,
Nəmarttai saiqal dili ólgen.
Ólimnen emes, ómirden qorqam túnergen.
Ómirdiń isi -- óltirmei seni tynbaityn,
Bir jan joq sirə, muńyńdy seniń tyńdaityn.
Sýrette qalǵan beineńde ǵana belgi bar,
Jyrtylyp qalmai kózderin endi jumbaityn.
Ómirden qorqam óltirmei túbi tynbaityn.
Ólimnen emes, ómirden osy shoshyimyn,
Jańǵyryp qalǵan qabyrǵasyndai bos úidiń.
Kórik keýdemmen oilardyń otyn qozdatyp,
Kóńildiń shoǵyn, ómirdiń shoǵyn kóseimin.
Ólimnen emes, ómirden osy shoshyimyn.
Aqynyń bolsam, aqymaǵyń da edim men,
Batyryń bolsam, eziń de menmin egilgen.
Aqymaq ekem, keshire salsań neń ketti,
Ólim degeniń -- ómirdiń ózi jeńilgen.
Ólim degeniń -- ómirdiń ózi kómilgen.
29.03.2017 j
***
Men júregimdi,
Qaiyrshynyń qaltasyndai qaqtym kep,
Eń qurymasa bir meiirim tapqym kep.
Eń qurymasa...
Bir sorlyǵa senimimdi satqym kep.
Eń qurymasa bir adamǵa jaqqym kep.
Eń qurymasa...
Mahabbattyń bir úzimin usynyp,
Ólsem óldim mahabbattan ushynyp --
Tórt qaltasyn tintip turmyn júrektiń,
Kózdiń shamyn túsirip.
Suramai-aq, eshteńeniń sebebin,
Eń qurymasa,
Jek kóreiin,
Kekteneiin dep edim.
Túk tappadym,
Túkpirinde júrektiń,
Jalǵyz ǵana jylap otyr óleńim...
22.05.17 j
***
Sen muńaima,
Men muńaisam jetedi,
Bul júregim qasiretten qatyp qalǵan et edi.
Sen muńaima,
Sen muńaisań tóbeme,
Aspan qulap ketedi.
Men kóreiin kóresimdi,
Seniń kóziń kúlsin tek,
Qaiǵyǵa da qoldaryńdy bir siltep.
Sen muńaima,
Muń degeniń -- evreidiń ertegi,
Solar oidan jasap qoiǵan, bylshyl tek.
Shattyq úshin sharap aldyr,
Men ishem,
Kesimi joq sózińmen de kelisem.
Sen qiialda qumbyl týǵan qyz ediń,
Men fənilik qumyrada myń jyl jatqan perisi em.
Sen kelmeseń, kúlge ainalyp keter me em?
Seni súidim erinimmen ot órgen.
Məjnún jaily ertek aittym sengisiz,
Mahabbattyń mártebesin kótergen.
Sodan keiin jylan jyldar ireńdep,
Jastyq otyn súirep ketti úiden kep.
Məjnún jaily aitshy dediń,
Aittym men:
"Ózge əieldi óle-ólgenshe súigen" dep.
Sen muńaidyń,
Mahabbatqa sengen ediń,
Selt ettiń,
Ózgergeni qalai boldy ertektiń?
Sen muńaima,
Məjnún emes, myna men,
Esi túzý erkekpin.
25.03.2017 j
Janat Jańqashuly 1987 jyly Qaraǵandy oblysy, Qarqaraly aýdany, Saryobaly aýlynda týǵan. 2009 jyly QarMÝ-diń jýrnalistika bólimin tamamdaǵan. Óleńderi oblystyq, respýblikalyq basylymdarda jariialanyp turady. «Táńir tańbasy» atty kitaby shyqqan. Dáýitáli Stambekov atyndaǵy syilyqtyń iegeri. Qazan qalasynda ótken Ǵabdolla Toqai atyndaǵy halyqaralyq túrik áleminiń jas aqyn-jazýshylary festivaliniń diplomanty.
