تانىمال جاس اقىن جانات جاڭقاشۇلىنىڭ بٸر توپ جاڭا ٶلەڭٸن وقىرمان نازارىنا ۇسىنامىز.
***
بوران
(ەتيۋد)
بوران,
شىر اينالماي قويا تۇر, دٶڭگەلەنبەي,
ٷيٸمدەگٸ مەن سٷيگەن مەڭدٸ ٶلەڭدەي --
ىڭىلدايسىڭ ٸشٸڭنەن,
ٶزٸڭدٸ ٶزٸڭ,
Əدەمٸ بٸر əۋەنمەن ەمدەگەندەي.
بۇرقاسىنمەن بۇرقىلداپ,
بۇلا كٷنٸم,
جىلاعىڭ كەلسە وسىلاي جىلا كٷنٸم.
ىزىڭداعان بورانعا سەلت ەتپەيتٸن,
قۇلىق ەتٸ -
قۇرىش ەر قۇلاعىنىڭ.
نان باسىپ, ٷنسٸز əيەل,
ۇن بورايدى,
جانىڭدى جەل جۇلىمداپ مۇڭعا ورايدى.
اق تٷتەك ۇن بوراعان بٶلمە ٸشٸنەن,
قورالانىپ كٶڭٸلسٸز كٷن قارايدى.
كٶپ əۋەننٸڭ سٶزٸ جوق, ىڭىل بٷگٸن,
تٶسكە سالعان تەمٸردەي سىعىلدى ٷنٸم.
اق قامىردان اشۋىن الىپ جاتىر,
تٷرٸپ تاستاپ دٷنيە شىمىلدىعىن.
اشىلماعان الاپات سيقىر əلٸ,
Əيەل ايتقان ىڭىلداپ كٷي تىنادى.
ەرتەڭ, ەرتەڭ ۇيىعان ۋىز دالا,
جاتادى ٷنسٸز,
Əيەلدەي ۇيقىداعى.
09.02.2017 ج
قييامەت
تٷسٸمدە,
ىسرافيل سٷر ٷرلەپ,
كەتتٸ مىناۋ جەر-دٷنيە دٷبٸرلەپ.
تاۋ قۇلادى,
كəرٸ اعاشتار تامىرىمەن اتىپ تۇردى,
ادام قۇساپ كٷبٸرلەپ.
اعىندى سۋ توقتاپ قالدى,
جەل دە تىنىش.
سٷر ٷنٸ...
جانارتاۋلار اتقىلادى,
جەلبٸرەگەن تۇلىمى.
جەردەن ٶسٸپ,
كٶردەن شىعىپ كەلە جاتتى,
قاڭقا سٷيەك جۇلىنى.
دۇعا وقۋدى ويلاپ بٸر سəت بۇلقىندىم,
وقي الماي قىلقىندىم.
قييامەتتە قيىن شىعار جاعدايىم,
ساعان قۇل بوپ ٶتتٸم بە ەكەن قۇلقىن كٷن?!
كٶك قاقىراپ,
جەر دٸرٸلدەپ,
تۇلداندى,
ۋا, تəڭٸرٸ, قيناماي ال بۇل جاندى.
ٶمٸر بۇعان تٶككەن كٷلدەي سۇرلاندى,
بۇل دا ٶمٸردە قىلاتىنىن قىلعان-دى.
قاس-قاعىم سəت,
كٶردەن تۇرعان ارۋاقتار اڭىراپ,
ادامزاتتان اۋىپ تٷسٸپ تاعى باق -
قييامەت كٷن تۇر ەكەنبٸز,
مەن كٸتاپ قۇشاقتاپ,
بٸراز اقىن مەدال, وردەن تاعىپ اپ.
ۋا, تəڭٸرٸ,
تۇلدانعاندا جەتٸ قات جەر,
جەتٸ كٶك,
كەمپٸرقوساعىم سەتٸنەپ.
كٷنəم تٶبەمنەن جاۋىپ تۇر,
وت بولىپ جانىپ ەكٸ بەت!
ۋاقىت توقتادى,
ۋاقي سارقىلدى...
مۇحيتتار تارتىلدى.
قارعالار تٷن قۇساپ تٷنەرٸپ وتىردى,
تىيا ساپ قارقىلدى.
مەن شوشىپ وياندىم...
ەگٸلدٸم.
شەكەسٸنەن ماعان قاراپ شەگٸر كٷن,
تاڭ اتىپ كەلەدٸ,
تٷنمەن كەت,
سۇممەن كەت,
قۇممەن كەت,
جامان تٷس جەبٸر مۇڭ!
25.02.2017 ج
مەن – جاۋار بۇلت
مەن -
كەۋدەسٸن جاسىن قىجىلداتقان,
زٸل باتپان,
جاۋار بۇلت.
تٷنەرٸپ كەپ, تٷمەن-تٷمەن تٷركٸدەي,
كٶز جاسىمدى كٶل ٷستٸنە بٷركٸمەي,
شٶلگە قۇيسام دەپ ەدٸم,
شٶبٸ شٶككەن كٸرپٸدەي.
جاسىنىممەن جəي تٷسٸرٸپ,
جارق ەتكەندە جانارىم,
كٶڭٸلٸ الا اعانىڭ,
قوزداپ جاتقان شالانىڭ,
تٶبەسٸنەن كٷركٸرەسەم دەپ ەدٸم,
سٸركٸرەسەم دەپ ەدٸم.
مەن – جاۋار بۇلت,
جاۋماي بٸر كەتپەن شٶلگە كەپ,
كەۋدەسٸن جالاپ كەرمەك وت,
بۋىرقانعان بۋراداي,
بىلش ەتكٸزٸپ بۇرشاق تٷكٸرسەم,
جىن جايلاعان جەرگە كەپ.
نٶسەر بوپ قۇيام,
مەن سولاي جاۋام مەلدەتٸپ,
ساعىنعان ەلدٸڭ تەرەزەلەرٸن تەرلەتٸپ.
بۇلتقا اينالعان جٷرەگٸمدٸ سىعىمداپ,
مەن سولاي جاۋام,
پەندەنٸڭ بەرٸن شەرلٸ ەتٸپ.
مەن – جاۋار بۇلت,
جىرىمنان جاڭبىر سەبەزدە,
كٷركٸرەپ تۇرىپ كٷلەرمٸن,
كٶپ ەزگە.
كٷركٸرەپ تۇرىپ كٷلەرمٸن كٶكتەن كەپ,
ٶلەرمەن ٶڭشەڭ ٶڭەزگە!
***
جۇلدىزداردى جۇتىپ الىپ تاڭسəرٸم,
كٶمەيٸنەن كٷن شىعىپ...
مەن تٷنەكتٸڭ əۋەنٸنەن شارشادىم,
ايتا المايتىن تۇنشىعىپ.
كٶلباقا دا كەرٸپ سالىپ əۋكەسٸن,
وپەرا ايتقان سيقى əنٸ...
قاپ-قارا تٷن شولپ-شولپ ەمٸپ تاۋ تٶسٸن,
شىمىرلاتتى-اۋ قۇيقانى.
يت كەمٸرٸپ اقجەم بولعان جٸلٸكتەي,
مىج-مىج مىنا ٶكشەمەن.
سٸلەكەيٸنەن سىرعاناق تەپكەن سٷلٸكتەي,
بٸر ٸز سالام دەپ سەنەم.
سۋرەتشٸدەي كٶكتٸ سيپاپ قاناتى,
پەرٸشتەدەن تٷسكەن əلەم حات السا.
ٷش جٷز الپىس كٷندەگٸ بٸر تاڭ اتى,
نە بولادى, ەسٸمٸممەن اتالسا?
ٶلەر ەدٸ قىزعانىشتان,
بٸراز اقىن قاپالى.
...كامەتاسى مۇزداپ ۇشقان,
ولار تٷننٸڭ ٷممەتٸنە جاتادى.
ال مەن تاڭمىن!
اڭ-تاڭمىن مەن بۇلارعا,
ٶلەڭ-جىرمەن وت ٶرٸپ.
و, سورلىلىق,
شىڭعا بٸتكەن شىنارعا,
سارىعىسى كەلەدٸ,
قۋ سيراعىن كٶتەرٸپ.
05.05.2017 ج
***
...ٶلٸمنەن ەمەس, ٶمٸردەن قاتتى قورقامىن,
بۇلعاڭ سٶزدەردەن بۇعىپ اپ كەيدە جورتامىن.
لاستىعىن كٶردٸم,
قاستىعىن دا كٶردٸم مەن,
Əدەمٸ دەيتٸن əدەبي وسى ورتانىڭ.
ٶلٸمنەن ەمەس, ٶمٸردەن قازٸر قورقامىن.
ٶلٸمنٸڭ ەمەس, ٶمٸردٸڭ ٶڭٸ تٷنەرگەن,
كەشٸرمەيدٸ ەشكٸم قاتەلٸكتەردٸ جٸبەرگەن.
ادامدى كٶردٸم,
ناداندى تاعى كٶردٸم مەن,
نəمارتتاي سايقال دٸلٸ ٶلگەن.
ٶلٸمنەن ەمەس, ٶمٸردەن قورقام تٷنەرگەن.
ٶمٸردٸڭ ٸسٸ -- ٶلتٸرمەي سەنٸ تىنبايتىن,
بٸر جان جوق سٸرə, مۇڭىڭدى سەنٸڭ تىڭدايتىن.
سۋرەتتە قالعان بەينەڭدە عانا بەلگٸ بار,
جىرتىلىپ قالماي كٶزدەرٸن ەندٸ جۇمبايتىن.
ٶمٸردەن قورقام ٶلتٸرمەي تٷبٸ تىنبايتىن.
ٶلٸمنەن ەمەس, ٶمٸردەن وسى شوشىيمىن,
جاڭعىرىپ قالعان قابىرعاسىنداي بوس ٷيدٸڭ.
كٶرٸك كەۋدەممەن ويلاردىڭ وتىن قوزداتىپ,
كٶڭٸلدٸڭ شوعىن, ٶمٸردٸڭ شوعىن كٶسەيمٸن.
ٶلٸمنەن ەمەس, ٶمٸردەن وسى شوشىيمىن.
اقىنىڭ بولسام, اقىماعىڭ دا ەدٸم مەن,
باتىرىڭ بولسام, ەزٸڭ دە مەنمٸن ەگٸلگەن.
اقىماق ەكەم, كەشٸرە سالساڭ نەڭ كەتتٸ,
ٶلٸم دەگەنٸڭ -- ٶمٸردٸڭ ٶزٸ جەڭٸلگەن.
ٶلٸم دەگەنٸڭ -- ٶمٸردٸڭ ٶزٸ كٶمٸلگەن.
29.03.2017 ج
***
مەن جٷرەگٸمدٸ,
قايىرشىنىڭ قالتاسىنداي قاقتىم كەپ,
ەڭ قۇرىماسا بٸر مەيٸرٸم تاپقىم كەپ.
ەڭ قۇرىماسا...
بٸر سورلىعا سەنٸمٸمدٸ ساتقىم كەپ.
ەڭ قۇرىماسا بٸر ادامعا جاققىم كەپ.
ەڭ قۇرىماسا...
ماحابباتتىڭ بٸر ٷزٸمٸن ۇسىنىپ,
ٶلسەم ٶلدٸم ماحابباتتان ۇشىنىپ --
تٶرت قالتاسىن تٸنتٸپ تۇرمىن جٷرەكتٸڭ,
كٶزدٸڭ شامىن تٷسٸرٸپ.
سۇراماي-اق, ەشتەڭەنٸڭ سەبەبٸن,
ەڭ قۇرىماسا,
جەك كٶرەيٸن,
كەكتەنەيٸن دەپ ەدٸم.
تٷك تاپپادىم,
تٷكپٸرٸندە جٷرەكتٸڭ,
جالعىز عانا جىلاپ وتىر ٶلەڭٸم...
22.05.17 ج
***
سەن مۇڭايما,
مەن مۇڭايسام جەتەدٸ,
بۇل جٷرەگٸم قاسٸرەتتەن قاتىپ قالعان ەت ەدٸ.
سەن مۇڭايما,
سەن مۇڭايساڭ تٶبەمە,
اسپان قۇلاپ كەتەدٸ.
مەن كٶرەيٸن كٶرەسٸمدٸ,
سەنٸڭ كٶزٸڭ كٷلسٸن تەك,
قايعىعا دا قولدارىڭدى بٸر سٸلتەپ.
سەن مۇڭايما,
مۇڭ دەگەنٸڭ -- ەۆرەيدٸڭ ەرتەگٸ,
سولار ويدان جاساپ قويعان, بىلشىل تەك.
شاتتىق ٷشٸن شاراپ الدىر,
مەن ٸشەم,
كەسٸمٸ جوق سٶزٸڭمەن دە كەلٸسەم.
سەن قييالدا قۇمبىل تۋعان قىز ەدٸڭ,
مەن فəنيلٸك قۇمىرادا مىڭ جىل جاتقان پەرٸسٸ ەم.
سەن كەلمەسەڭ, كٷلگە اينالىپ كەتەر مە ەم?
سەنٸ سٷيدٸم ەرٸنٸممەن وت ٶرگەن.
مəجنٷن جايلى ەرتەك ايتتىم سەنگٸسٸز,
ماحابباتتىڭ مەرتەبەسٸن كٶتەرگەن.
سودان كەيٸن جىلان جىلدار يرەڭدەپ,
جاستىق وتىن سٷيرەپ كەتتٸ ٷيدەن كەپ.
مəجنٷن جايلى ايتشى دەدٸڭ,
ايتتىم مەن:
"ٶزگە əيەلدٸ ٶلە-ٶلگەنشە سٷيگەن" دەپ.
سەن مۇڭايدىڭ,
ماحابباتقا سەنگەن ەدٸڭ,
سەلت ەتتٸڭ,
ٶزگەرگەنٸ قالاي بولدى ەرتەكتٸڭ?
سەن مۇڭايما,
مəجنٷن ەمەس, مىنا مەن,
ەسٸ تٷزۋ ەركەكپٸن.
25.03.2017 ج
جانات جاڭقاشۇلى 1987 جىلى قاراعاندى وبلىسى, قارقارالى اۋدانى, سارىوبالى اۋلىندا تۋعان. 2009 جىلى قارمۋ-دٸڭ جۋرناليستيكا بٶلٸمٸن تامامداعان. ٶلەڭدەرٸ وبلىستىق, رەسپۋبليكالىق باسىلىمداردا جارييالانىپ تۇرادى. «تەڭٸر تاڭباسى» اتتى كٸتابى شىققان. دەۋٸتەلٸ ستامبەكوۆ اتىنداعى سىيلىقتىڭ يەگەرٸ. قازان قالاسىندا ٶتكەن عابدوللا توقاي اتىنداعى حالىقارالىق تٷرٸك ەلەمٸنٸڭ جاس اقىن-جازۋشىلارى فەستيۆالٸنٸڭ ديپلومانتى.
