QR Densaýlyq saqtaý ministrligi koronavirýs boiynsha jańartylǵan statistikany usyndy, dep habarlaidy "Ult aqparat".
2020 jyldyń 1 tamyzynan bastap zerthanada anyqtalǵan COVID-19 ben PTR-test nátijesi taza, biraq koronavirýs infektsiiasynyń klinikalyq jáne epidemiologiialyq belgileri bar pnevmoniia birge esepke alynady.
«2020 jyldyń 1 tamyzyndaǵy jaǵdai boiynsha, 1 226 adamnan COVID-19 anyqtalyp, sońǵy táýlikte 36 adam qaitys boldy. 5 181 naýqas zerthanada anyqtalmaǵan, biraq koronavirýs infektsiiasynyń klinikalyq jáne epidemiologiialyq belgileri bar pnevmoniiaǵa shaldyqqan. Ótken táýlikte osy diagnozdan 30 patsient qaitys boldy», - delingen ministrlik habarlamasynda.
COVID–19 jáne pnevmoniiaǵa shaldyqqan naýqastar týraly málimet barynsha ashyq bolý úshin Qazaqstan Respýblikasy Densaýlyq saqtaý ministrligi 18 shildeden bastap statistikalyq derekterdi esepke alý men qalyptastyrýdyń jańa tásilderin anyqtady.
DDSU-nyń Eýropalyq aimaqtyq Biýrosymen birqatar tehnikalyq konsýltatsiia júrgizilgennnen keiin, COVID-19 aýrýlardyń halyqaralyq jiktemesiniń jańa kody boiynsha kodtaý jáne esepke alý týraly sheshim qabyldandy.
Jalpy koronavirýsqa qatysty jańartylǵan málimetter tórt tsifrǵa negizdeledi.
Birinshi kórsetkish - koronavirýs PTR synaǵymen rastalǵan patsientter, ekinshisi - ólim jaǵdailary, úshinshisi - PTR synamalarymen dáleldenbegen yqtimal aýyrǵan patsientter, tórtinshisi - PTR synamalarymen dáleldenbegen biraq ólim nátijeleri kórsetken jaǵdailar.
