Búgingi tańda Qazaqstanda jańartylatyn energetika baǵytynda 81 nysan jumys istep tur. Olardyń tolyq qýattylyǵy – 930 megavatt. Jyl sońyna deiin jańartylatyn energiia kózderiniń taǵy 5 nysany iske qosylady. Bul týraly rrimeminister.kz-ke bergen suhbatynda QR Energetika ministrligi Jańartylatyn energiia kózderi departamentiniń direktory Ainur Sospanova aitty, dep habarlaidy "Ult aqparat".
Onyń aitýynsha, investorlar men esep-qarjy ortalyǵy arasynda jasalǵan kelisimsharttar 3 myń megavattqa jaqyndady. Qazaqstan úshin bul aitarlyqtai kólem. Osy 3 myń megavatt birtindep salynyp, elimizdiń energetikalyq teńgerimine engiziletin bolady.
Buǵan qosa, A. Sospanova 2019 jyly Qazaqstanda nysandar belsendi túrde paidalanýǵa berilip jatqanyn atap ótti. 2019 jyldyń qorytyndysy boiynsha, elimizde bekitilgen qýattylyǵy 960 megavatty quraityn 86 nysan bolady. Aldyn ala baǵalaýlarǵa sáikes, bul jobalar elimizge 1 mlrd dollarǵa jýyq qarjy tartýy tiis.
«Bul investitsiialar jumys oryndaryn quryp, salyq tólep, «jasyl» energiiany óndirýge múmkindik beredi. Budan ózge, árine, bul investitsiialardyń tiimdiligi – jańa salanyń qurylýy jáne bizdiń qazaqstandyq mamandardyń oqytylýy. Munda Kegoc júielik operatory da, jelilik uiymdar da tartylǵan», — dedi A. Sospanova.
Taiaýda ǵana Qaraǵandy oblysynda qýattylyǵy 50 megavatt bolatyn kún stantsiiasy paidalanýǵa berildi. Bul jobaǵa investitsiia salǵan nemis investory Qazaqstandaǵy jańartylatyn energetika jobalaryn burynnan damytyp keledi.
Sondai-aq A. Sospanovanyń sózinshe, respýblikada basqa elderdiń investorlary belsendi jumys isteidi. Budan ózge, ol qazirgi zamanǵa sai este qalarlyq úrdisti atap ótti. Munai alyptary jańartylatyn energetika jobalaryn damyta bastady.
«Shell, Eni, Total, Iren siiaqty munai kompaniialary jańartylatyn energiia kózderi boiynsha jobalardy damytýda jáne kelesi jyly Qazaqstanda munai kompaniialarynyń alǵashqy jobalary jumys isteitin bolady. Biz úshin bul Qazaqstanda munai-gaz salasynda 20 jyldyq tájiribesi bar turaqty investorlardyń jańartylatyn energiia kózderine kelýiniń jaqsy belgisi. Bul óte jaqsy. Biz Qazaqstandy, bizdiń zańnamamyzdy jaqsy biletin osyndai investorlardyń tizimi Qazaqstan týraly jaqsy bilip keledi jáne jańaratyn energiia kózderine úlesterin qosatyn bolady dep úmittenemiz», — dedi QR Energetika ministrligi Jańartylatyn energiia kózderi departamentiniń direktory Ainur Sospanova.
