Aýktsiondar júiesi jańartylatyn energiia kózderine baǵanyń aitarlyqtai tómendeýine qol jetkizýge múmkindik berdi. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy QazAqparat.
«Jiyntyq qýaty 1,5 GVt jańartylatyn energetika jobalary úshin 2018-2020 jyldardaǵy halyqaralyq aýktsiondyq saýda - sattyq elektrondyq formatta ótkizildi. Sonyń ishinde 25 aýktsion sátti ótkizildi (2018 jyly – 13 aýktsion, 2019 jyly – 6 aýktsion, 2020 jyly – 6 aýktsion). Saýda-sattyqqa 12 elden, iaǵni Qazaqstan, Qytai, Resei, Túrkiia, Germaniia, Frantsiia, Bolgariia, Italiia, Birikken Arab Ámirlikteri, Niderlandy, Malaiziia, Ispaniia elderinen 172 kompaniia qatysty», - dedi ministr.
Aýktsiondyq saýda-sattyq qorytyndylary boiynsha 58 kompaniia jańartylatyn energiia kózderi elektr energiiasyn biryńǵai satyp alýshymen (Qarjy-esep aiyrysý ortalyǵymen) jiyntyq qýaty 1219 MVt-qa 15 jylǵa arnalǵan kelisimsharttarǵa qol qoidy.
«Aýktsiondyq júie «jasyl ekonomika» qaǵidatyna sáikes júzege asyrylatyn jobalar baǵasynyń aitarlyqtai tómendeýine qol jetkizýge múmkindik berdi. Jekelegen jobalar boiynsha tarifterdiń barynsha tómendeýi kún elektr stantsiialary úshin – 64%, jel elektr stantsiialary úshin– 30% jáne gidro elektr stantsiialary úshin 19 paiyzdy qurady», - dedi Noǵaev.
