Jańartylatyn energiia kózderin damytý boiynsha Energetika ministrligi atqaryp jatqan barlyq is-sharalardy qoldaimyz.
Bul týraly Úkimet otyrysynda Prmer-Ministr Asqar Mamin málim etti, dep habarlaidy QazAqparat.
«Eldiń ekologiialyq jaǵdaiyn jaqsartý – Memleket basshysy Qasym-Jomart Kemeluly Toqaev belgilegen basym mindetterdiń biri. Ekologiia men qorshaǵan ortany jaqsartý quraldarynyń biri jańartylatyn energiia kózderi bolyp sanalady. Ótken jyly jańartylatyn energiia kózderi jobalaryn iske asyrý boiynsha eleýli jumys atqaryldy. Byltyr qýaty 583 MVt bolatyn 25 nysan iske qosyldy», - dedi Úkimet basshysy.
Onyń aitýynsha, búginde jańartylatyn energiia kózderi óndiretin energiia 3 paiyz nemese 3,24 mlrd kVt saǵatty quraidy, 2019 jylmen salystyrǵanda 74 paiyzǵa ósti.
«Álemdik sarapshylardyń boljamy boiynsha 2025 jylǵa qarai jańartylatyn energiia kózderi álemdegi elektr energiiasynyń iri óndirýshisine ainalady. Aitalyq, Eýropalyq Odaqta 2020 jyly jańartylatyn energiia kózderiniń elektr energiiasyn óndirý dástúrli óndirýge qaraǵanda 1 paiyz artyq bolǵan. Qazaqstanda «jasyl ekonomikaǵa» kóshý tujyrymdamasy qabyldanyp, iske asyrylyp jatyr, ol boiynsha 2050 jyly elektr energiiasynyń jartysyn balama energetika óndiretin bolady», - dedi Mamin.
Jańartylatyn energiia kózderin damytýdyń mundai qarqyny - tómen kómirtekti jáne klimattyq ornyqty damý jónindegi Parij kelisimi boiynsha mindettemelerdi saqtaýymyzǵa jáne Qazaqstannyń «jasyl» energetikalyq damý aiasynda bolýyna múmkindik beredi.
«Sondyqtan jańartylatyn energiia kózderin damytý boiynsha Energetika ministrligi atqaryp jatqan barlyq is-sharalardy qoldaimyz. Bizdiń mindetimiz – osy salany damytý boiynsha júieli jumys júrgizý», - dedi Premer-Ministr.
