QR Energetika ministri Bolat Aqsholaqov Májilis ókilderiniń depýtattyq saýalyna joldaǵan jaýabynda janar-jaǵarmai naryǵyndaǵy tiimsiz jetkizýshilerge qandai sharalar qabyldanyp jatqanyn aitty, dep habarlaidy QazAqparat.
«Qazirgi tańda ministrlik janar-jaǵarmai materialdaryn óndirý jáne taratý júiesin reformalaý boiynsha kóterme baǵamen jetkizýshilerge qoiylatyn talaptardy kúsheitý, tabys mólsherin shekteý siiaqty sharalar qabyldap jatyr. Biryńǵai operator men aviakerosin ainalymyn qospaǵanda, kóterme baǵamen jetkizýshiler retinde munai bazalary bar tulǵalar ǵana áreket etetin bolady» dep jazdy Bolat Aqsholaqov depýtattyq saýalǵa bergen jaýabynda.
Ministrdiń jaýabyna súiensek, birjalyq saýda-sattyqtyń rásimin odan ári jańartýdyń mynandai máseleleri pysyqtalyp jatyr:
- qatysýshylar sheńberin janamai quiý jelilerimen ǵana shekteý,
- saýda sessiialaryn buzý iri jáne usaq janarqmai quiý stansalaryna bólý.
«Bul sharalar janarmai quiý beketterine, onyń ishinde shaǵyn jáne orta kásiporyndarǵa, birja arqyly resýrs ustaýshylardan janar-jaǵarmai materialdaryn tikelei satyp alýǵa múmkindik beredi», - deidi ministr.
